Atalǵan otyrysqa Ázerbaıjan Respýblıkasy, Armenııa Respýblıkasy, Belarýs Respýblıkasy, Qazaqstan Respýblıkasy, Qyrǵyzstan Respýblıkasy, Reseı Federasııasy, Tájikstan Respýblıkasy, О́zbekstan Respýblıkasy qarýly kúshteri bas shtabtarynyń, sonymen qatar TMD atqarýshy komıtetiniń delegasııalary qatysty.
Qazaqstan Respýblıkasy atynan qorǵanys mınıstriniń birinshi orynbasary – Qazaqstan Respýblıkasy Qarýly Kúshteri Bas shtabynyń bastyǵy general-leıtenant Murat Bektanov qatysty.
Kún tártibine sáıkes TMD-ǵa qatysýshy elderdiń áskerı vedomstvalarynyń qorǵanys pen qaýipsizdik aýqymynda kópjaqty ózara is-qımyl máseleleri qarastyryldy.
Áskerlerdiń jaýyngerlik daıarlyǵy úshin praktıkalyq qajettilikti eskere otyryp otyrysqa qatysýshylar qazirgi zamanǵy qarýly qaqtyǵystardyń, atap aıtsaq, ushqyshsyz ushý qurylǵylaryn qoldanýdyń is júzindegi mańyzdylyǵy, áýe shabýylyna qarsy qorǵanysty uıymdastyrý, materıaldyq-tehnıkalyq qamtamasyz etý tájirıbelerimen tanysty.
О́tken kezeńdegi TMD-ǵa qatysýshy elderdiń qarýly kúshterindegi avıasııa ushýlarynyń qaýipsizdik jaǵdaıy da taldandy.
Osy otyrys barysynda qabyldanǵan sheshimder qorǵanys pen qaýipsizdik aýqymyndaǵy ózara is-qımyldy damytýǵa, Dostastyq quramyndaǵy elderiniń ulttyq jáne birlesken qaýipsizdigin qoldaý múddesinde áskerı yntymaqtastyqtyń damýyn qamtamasyz etýge baǵyttaldy.
Otyrys sońynda kezdesýge qatysýshylar ótken jyldy qorytyndylap, 2021 jylǵa arnalǵan birlesken is-sharalardy talqylady.
