Azyq-túlik jáne turmystyq jıyntyqtar AÁK alýshylar qataryndaǵy 1 jastan 6 jasqa deıingi balalarǵa beriledi. Aǵymdaǵy jylǵy 1 qazannan bastap aleumet.egov.kz arqyly «pılottyq» rejımde azyq-túlik jıyntyqtaryn usyný bastaldy. 2021 jyldan bastap qyzmetti 250 myńnan astam qazaqstandyq paıdalana alady dep josparlanýda.
«Pılottyq» joba aıasynda áleýmettik qorǵaý organdarynyń qyzmetkerleri áleýmettik toptama alýshylarǵa elektrondyq sıfrlyq qoltańbany resimdeýge kómektesedi, portalmen qalaı jumys isteý kerektigin túsindiredi. Al áleýmettik toptama alýshylar alǵashqy tapsyrystardy Áleýmettik qyzmetter portaly arqyly jasaıdy.
«Bul óte yńǵaıly, men ınternet arqyly áleýmettik toptama alýdy rásimdedim, jetkizýshi kompanııanyń eń jaqyn dúkeninde bárin jınady, maǵan tek kelip qorapty alyp ketý kerek boldy. Mundaı jıyntyqtar óte paıdaly, onda balaǵa paıdaly ónimder bar, olardy satyp alý árdaıym múmkin bola bermeıdi», – dedi Petropavl qalasynyń turǵyny, áleýmettik toptamany alýshy 7 balanyń anasy Danııa Kenjaeva.
Áleýmettik qorǵaý organdarynyń qyzmetkerleri qyzmet alýshylarmen ǵana emes, jetkizýshilermen de jumys júrgizedi. Portal arqyly óz taýarlary men qyzmetterin usynǵysy keletin kompanııalar ózderiniń senimdiligin rastaýǵa jáne tapsyrystardy merziminde oryndaýǵa tıis. Al jetkizýshilerdiń ózderi úshin áleýmettik qyzmet kórsetýge qatysý – bul bedel máselesi.
«Bizdiń kompanııa bul jobany áleýmettik jaýapkershilik aıasynda júzege asyrady. Áleýmettik toptama boıynsha jıyntyqtardy qalyptastyrý úshin barlyq ónim sapany tekserýdiń birneshe kezeńinen ótedi: shyǵarý jáne býyp-túıý kezindegi baqylaý, memlekettik sertıfıkattaý, taratý ortalyǵynda taýarlardy qabyldaý kezinde sapa jáne jaramdylyq merzimderi boıynsha tekserý, alýshylarǵa berý kezinde ónim sapasy men jıyntyqtardyń jınaqtylyǵyn tekserý. Sondaı-aq biz ónimderdi úı jaǵdaıynda saqtaý boıynsha jadynamany jasadyq jáne taratamyz», – dep naqtylady jetkizýshi kompanııanyń ókili Áıgerim Slambekova.
Esterińizge sala keteıik, azyq-túlik jáne turmystyq jıyntyqtyń quramy QR Densaýlyq saqtaý mınıstrliginiń usynymdary boıynsha ázirlengen jáne jas sanatyna baılanysty erekshelenedi: 1 jastan 3 jasqa deıin jáne 3 jastan 6 jasqa deıin. Mundaı jıyntyqtarǵa 1 jastan 3 jasqa deıingi balalarǵa gıpoallergendi jemis pıýresi men jarma, sút jáne basqa da ónimder kiredi. 3 jastan 6 jasqa deıingi balalarǵa arnalǵan jıyntyqqa qatty bıdaıdan jasalǵan makaron, gematogen, qaraqumyq, arpa jáne basqa da jarmalar, tabıǵı bal kiredi. Azyq-túlikten basqa, jıyntyqtarda gıgıena quraldary – balalar sýsabyndary, sabyn, balalarǵa arnalǵan kir jýǵysh untaq jáne basqalar bolady.
