Keshendi tanystyrý ekskýrsııasy stýdentterge qyzmet kórsetý ortalyǵynan bastaldy. Bul jerde «bir tereze» prınsıpi boıynsha oqý-bilim berý úrdisi úshin qyzmetter kórsetiledi. Stýdentter jataqhana ornyn resimdep, jeńildikterdi alý maqsatynda kómekke júginedi. Ortalyqtandyrylǵan jumystyń arqasynda ýaqyt únemdeledi.
Stýdenttik konstrýktorlyq bıýroda meımanǵa ıntererdiń sáýlettik jobalaýy jáne dızaınyn júzege asyrý ıdeıalary pash etildi. Keıin Alık Jatqambaıuly oqý ornynyń jaǵdaıattyq ortalyǵynyń jumysymen tanysty. Budan keıin Alık Shpekbaevtyń nazaryna ǵylymı jobalar men bıznes-ıdeıalar usynyldy. Naqtyraq aıtqanda, trımarandar, organıkalyq kosmetıka jáne vırýsqa qarsy quraldar óndirisi, antıseptıkter men suıyq sabyn qaınatý, kreatıvti jıhaz jınaý jáne soǵylǵan buıymdardy jasaý sehtarynyń jumysymen tanysty.
Jumys sapary ýnıversıtettiń professorlyq-oqytýshylyq quramymen ótken kezdesýge ulasty. Alık Shpekbaev basqarýdyń kommersııalyq emes formasyna kóshken oqý orny endi kásipkerlik qyzmetpen aınalysa alatynyn atap ótti. Bul aımaq pen ýnıversıtetke asa tıimdi.
«Munda «Qarapaıym zattar ekonomıkasy» baǵytyndaǵy qajetti jobalar shoǵyrlanǵan. Stýdentter ózderiniń ıdeıalaryn júzege asyra alady, demek, jastardyń tanymy ózgerip keledi. Búginde qoǵam Agenttiktiń qyzmetimen tanys bolýy kerek. Mekemeniń jumysyn Memleket basshysy baqylaıdy. Buǵan deıin jemqorlyqtyń saldarymen kúressek, endi bizdiń maqsatymyz - aldyn alý jáne tárbıelik sıpattaǵy jumystardy qolǵa alý», - deıdi ol.
