Medısınalyq komıssııadan ótken atyraýlyq 100 jas ońtústik óńirdegi áskerı bólimde qyzmet etedi.
"Shaqyrý qaǵazyn alǵan soń dereý shaqyrý pýnktine keldim. Medısınalyq komıssııadan óttim. Qazaqstan Respýblıkasynyń azamaty retinde Qarýly Kúshter qatarynda qyzmet etýge daıynmyn", deıdi áskerge shaqyrylýshy Ravıl Jolaman.
Atyraý oblystyq Qorǵanys isteri jónindegi departamenti bastyǵynyń orynbasary, kapıtan Jasulan Satbaldıevtyń aıtýynsha, bıyl oblystyq medısınalyq komıssııanyń quramyna ınfeksıonıst dárigerler engizilipti. Áskerge shaqyrylýshylar áskerı bólimderge attanar aldynda mindetti túrde PTR ádisimen COVID-19-ǵa zerthanalyq test tapsyrady. Sonymen qatar, olarǵa ınfeksııalyq bakterııaǵa qarsy zalasyzdandyrý úshin gel, medısınalyq qolǵaptar men maskalar beriledi.
"Bizdiń oblystan UQK Shekara qyzmetiniń áskerı bólimderin jasaqtaý jospary tolyqtaı oryndaldy. Endigi kezekte Qorǵanys mınıstrliginiń áskerı bólimderin tolyqtyrýdy bastadyq", dedi Atyraý oblystyq Qorǵanys isteri jónindegi departamenti bastyǵynyń orynbasary, kapıtan Jasulan Satbaldıev.
