О́ńirde indet órship tur

Jalpy Shyǵys Qazaqstandaǵy koronavırýs ınfeksııasynyń jaǵdaıy týraly Or­ta­lyq kommýnıkasııalar qyz­meti alańynda baspasóz jıyny ótip, jaýapty basshylar máli­met­termen bólisti.

Elimizdiń densaýlyq saqtaý vıse-mınıstri, bas memleket­tik sanıtarlyq dárigeri Erlan Qııasov oblystaǵy epıdemııalyq jaǵdaıdy turaqtandyrý maq­satynda 2 qarashadan bas­tap О́s­kemen qalasynan áýe qa­ty­nastaryn qysqartý jóninde tapsyrmalar berdi. Naqtylasaq, О́skemen – Nur-Sultan baǵyty boıynsha aptasyna 17-den 7 reıs­ke deıin, О́skemen – Almaty baǵyty boıynsha 14-ten 7 reıs­ke deıin, О́skemen – Shymkent baǵyty boıynsha 2-den 1 reıs­ke deıin qysqartylady. Sony­men qatar 2 qarashadan bastap temir jol qatynastary da qys­qarady. Budan bylaı О́skemen – Nur­sultan baǵyty boıynsha ap­tasyna poıyz aptasyna bir-aq ret júrse, О́skemennen Alma­ty­ǵa úsh ret ǵana júretin bola­dy. Al jolaýshylarda mer­zimi 30 kún­nen aspaǵan COVID-19 vı­rýsy boıynsha PTR arqyly tek­seril­gendigi jóninde anyq­tama qa­ǵazy mindetti túrde bolýy shart. Olardy shyǵaryp salýshylar men qarsy alýshylardyń vokzalǵa, áýejaıǵa kelýlerine bolmaıdy.

Sondaı-aq bas memlekettik sanıtarlyq dárigerdiń tapsyrmasyna sáıkes, oblystaǵy qyzmetkerlerdiń 80 paıyzy qashyqtan jumys isteýge kóshti. Jınalystardyń ótýine tıym salyndy. Halyq kóp jınalatyn jerlerge dezınfeksııa jasaý tapsyryldy. Vahtalyq ádispen jumys isteıtinderge tolyq PTR testileýden ótý mindetteldi. Adam kóp shoǵyrlanatyn oryndarda sanıtarlyq rejimdi saqtaý úshin monıtorıngtik toptardyń jumysy kúsheıedi. Budan bylaı Shyǵys Qazaqstan oblysyndaǵy epıdemııalyq jaǵdaı úkimettiń únemi qadaǵa­laýynda bolady.

– Qurmetti turǵyndar, epıde­mııa­lyq jaǵdaıǵa, engizilg­en sanı­tar­lyq shekteýler­ge jaýap­kershi­likpen qaraýla­ry­­ńyzdy suraı­myn. Shyǵys Qazaq­stan obl­ysynda koronavırýs ınfeksııa­s­y­nyń kóbeıýi turǵyn­dardyń kó­shi-qonymen de baılanysty. Kóp­shilik sanıtarlyq talaptardy saq­tamaǵan. Shekara asyp, ózge mem­leketterge ushyp júrgender ózderin ǵana emes, ja­qyndaryn da oı­laýy kerek. PTR-test tap­syr­­­maǵandar da ushyp jatty. On­­daıda áýe kompanııalary test nátı­je­si joq jolaýshylar­dy ót­kizbeýi kerek edi, – dedi E.Qııasov.

Oblystaǵy shekteý shara­lary quzyrly organdardyń qatań baqylaýyna alyndy. Endi qoǵam­dyq kólikte maska taǵýmen qa­tar, eki metr araqashyqtyqtyń saq­tal­ǵany jón. Maskany el kóp sho­ǵyr­lanatyn jerde ǵana emes, kóshede de kez kelgen turǵyn taǵýy kerek.

Shyǵys Qazaqstan oblysy áki­mi­niń orynbasary Shákárim Buq­­tuǵytovtyń aıtýynsha, in­det­­tiń aldyn alýǵa baǵyttalǵan sha­ra­lar tyńǵylyqty júrgizilip jatyr.

– О́ńirde 15 kompıýterlik tomograf táýligine 24 saǵat, demalyssyz jumys istep tur. Ár qurylǵy belgili bir aýdanǵa nemese qalaǵa bekitilgen. Úrjar aýdanyna, О́skemenniń Jedel medısınalyq járdem aýrýhanasyna, Semeı juqpaly aýrýlar aýrýhanasyna qosymsha 3 kompıýterlik tomograf alyndy. Olardy osy aıda ornatý josparlanyp otyr. Jergilikti bıýdjet esebinen О́skemen men Semeıde, Kúrshim, Úrjar aýdandarynda taǵy 5 PTR zerthana ashý jos­parlanǵan. Vırýsqa qarsy dári-dármekter jetkilikti, – dedi oblys ákiminiń orynbasary.

Sońǵy táýlikte Shyǵys Qazaq­­stan oblysy boıynsha koro­na­­vırýs ınfeksııasymen 252 naý­qas tirkelgen. О́zge oblystar­men salystyrǵanda birneshe esege kóp. Al qazan aıynda koronavırýs ınfeksııasynyń saldarynan ólim-jitim kórsetkishteri ósken.

– Qaıtys bolǵandardyń 60 paıyzy – 60 jastan asqandar. Al qalǵany kesh kelgendikten, jan saqtaý bólimine túsken, – dep túsindirdi ShQO densaýlyq saqtaý basqarmasy basshysy­nyń mindetin atqarýshy Raıfa Safıol­laqyzy.

Onyń aıtýynsha, koronavırýs ınfeksııasy jaǵdaıy al­ǵash oryn alǵannan beri ob­lys­ta naýqastardyń tósektik or­ny 12 esege, jansaqtaý bólim­derindegi tósektik oryn 11 ese kóbeıgen. Jalpy oblysta 124 rea­nımasııalyq tósektik oryn bar. Koronavırýs ınfek­sııa­sy­nyń ekinshi tolqyny kezeńin­de ýa­q­tyly ári sapa­ly medı­­sı­na­lyq kómek kórsetý úshin Shyǵys Qazaq­standa 40 ınfeksııalyq sta­sıo­nar ázirlenip, tolyq medı­sınalyq jabdyqtalǵan 6 010 tósektik oryn daıyndalyp otyr. Oblystyń medısınalyq uıym­darynda dárilik zattardyń qory eki aıǵa jetedi. Oblysta aýyr naýqastar úshin túrli qan top­taryndaǵy ımmýndyq plaz­manyń 2 985 dozasy ázirlengen. COVID-19 koronavırýs ınfeksııasy bar 50 aýyr naýqasqa ım­mýn­dyq plazmanyń 107 doza­sy quıyldy. Búginde ınfek­sııa­lyq statsıonarda aýyr jaǵ­daı­daǵy 35 naýqas em alýda. Onyń ekeýiniń jaǵdaıy asa aýyr halde. Aýrýhana tóseginde jat­qan­dar densaýlyq saqtaý mınsıtr­ligimen bekitilgen hattama boıynsha em alady.

Kún sanap kóbeıip kele jatqan naýqastardyń sanyn azaıtý úshin 1 qarashadan bastap oblys shekaralaryna sanıtarlyq blok beketter qoıyldy. Onyń jeteýi О́skemenniń kireberis joldaryna ornatyldy. Endi oblys azamattarynyń kirýine jáne shyǵýyna tyıym salynady. Qıyn sátte halyqqa toı-tomalaqty, basqosýlardy da doǵara turǵandary jón. Osyǵan oraı oblystyq bas memlekettik sanıtarlyq dárigeri «Turǵyn­dar­ǵa korporatıvti, saltanatty, otbasylyq jáne basqa da is-sha­ralardy ótkizýge jeke úı men ǵımarattardy jalǵa alý­ǵa tyıym salyp otyr. Al bilim berý mekemelerine keler bol­saq, 1-4 synyp oqýshylary ata-ana­lardyń ótinishi boıynsha 15 baladan aspaıtyn kezekshi synyp­tardaǵy oqý jalǵasady», dedi.

Aımaqta stasıonarlyq dári­lik kómekke barlyǵy 8,9 mlrd teńge, onyń ishinde koronavırýs ınfek­sııasy bar naýqastardy emdeýge qosymsha 2,6 mlrd teńge ótinim qarastyrylǵan. I jáne II deńgeıdegi ınfeksııalyq stasıonarlarda tasymaldaýǵa kelmeı­tin aýyr naýqastar úshin kósh­peli shuǵyl áreket etý brıgada­lary uıymdastyrylǵan. Olardyń qura­mynda anestezıolog-rea­nı­matolog, ınfeksıonıst, pýl­­monolog sııaqty mamandar bar. Em-domnyń ýaqtyly qolda­nylýynyń arqasynda táýligine 64 pa­sıent stasıonarlardan em­delip shyǵarylyp otyr. Onyń ishinde kovıdti pnevmonııasy bar naýqastar da bar.

Shyǵys Qazaqstan oblysy