Soltústik Qazaqstan oblysy Polısııa departamenti baspasóz qyzmetiniń málimetinshe, monıtorıngtik toptar Petropavl mańyndaǵy demalys oryndaryn tekserdi. Nátıjesinde, júrgizilip jatqan túsindirý sharalaryna jáne eskertýlerge qaramastan keı turǵyndar jıyndardan áli de bolsa bas tarpaǵan. Quramynda jergilikti polısııa qyzmeti basqarmasynyń qyzmetkerleri, prokýratýra ókilderi men sanıtarııalyq dárigerler bolǵan monıtorıng top "Berezovaıa rosha" demalys ornyna kelgende, ondaǵy barlyq úılerde demalýshylar bolǵan. Qala turǵyndary karantın rejımin buzyp, týystarymen jáne joldastarymen birge týǵan kúnderin toılaǵan. Atalǵan faktiler boıynsha keshen ıelerine de, toı ıelerine de ákimshilik materıaldar toltyryldy. Sondaı-aq demalys kúnderi karantındik sharalardy buzyp, jumys istegen "Ognı Kaspııa" dámhanasynyń ıesi de ákimshilik jazaǵa tartylady.
"Demalys kúnderi shekteý sharalarynyń kúsheıtilgenin esterińizge salamyz. Oblystyń bas sanıtarııalyq dárigeriniń qaýlysyna sáıkes kóńil kóterý mekemeleriniń jumysyna tyıym salyndy. Qoǵamdyq tamaqtandyrý nysandary senbi-jeksenbi kúnderi ónimderin jetkizý arqyly ǵana jumystaryn júrgize alady", deıdi Petropavl qalalyq PB bastyǵy.
