Aımaqtar • 03 Qarasha, 2020

Volonterler probasııa qyzmetinde esepte turǵandarǵa kómek kórsetti

51 ret kórsetildi

Aqtóbe oblysy boıynsha Qylmystyq-atqarý júıesi departamentiniń Almaty aýdandyq  probasııa qyzmeti  esepte turǵan  sottalǵan azamattarǵa  kómek uıymdastyrdy, dep habarlaıdy Egemen.kz

Is-sharaǵa óńirdegi "Shańyraq"  qoǵamdyq birlestigi men  "Qaıyrymdy jandar"  tobynyń volonterleri ún qosyp, probasııa qyzmetkerlerimen  sottalǵan azamattardyń áleýmettik beıimdelýine  kómek kórsetý joldaryn talqylady.  Al, volonterlermen kezdesý kezinde  bas bostandyǵynan aırylyp, shartty jazaǵa aýystyrylǵan azamattar óz bastarynan ótip jatqan qıyndyqtarmen bólisti. Sonyń ishinde   qoǵamǵa qaıta beıimdelý kezinde  aldarynan shyǵatyn   moraldyq-psıhologııalyq, áleýmettik kedergiler týraly ashyq  pikir bildirdi.

Kezdesýden soń "Shańyraq" qoǵamdyq birlestigi men "Qaıyrymdy jandar"  volonterlik toby  Almaty aýdanynyń probasııa qyzmetinde esepte turǵan muqtaj otbasylarǵa  kıim-keshek taratty.

Atalǵan is-shara  2020-2025 jyldarǵa arnalǵan qoǵamdyq quqyq buzýshylyqtardyń aldyn-alý jónindegi vedomstvoaralyq   is-sharalar josparynyń 12-tarmaǵyna sáıkes ótkizildi. Is-shara  Almaty aýdandyq probasııa qyzmetiniń  "Shańyraq" jáne "Qaıyrymdy jandar" qoǵamdyq birlestikterimen jasasqan  memorandýmy aıasynda uıymdastyryldy.

"Sottalǵan azamattar men volonterler  kezdesýin uıymdastyrýdyń negizgi maqsaty – probasııa qyzmetiniń esebinde turǵan  azamattarǵa qoldaý kórsetý, qoǵamnyń qoldaýyna muqtaj jandardyń   ómirde óz joldaryn tabýyna kómektesý,  ortaǵa  beıimdelip ketkenshe   qaıta qylmys jasaýyna jol bermeý. Osy rette probasııa qyzmetkerleri  sottalǵan azamattarymyzdyń  túzelýi jolynda  árdaıym kómek kórsetýge daıyn", deıdi  Aqtóbe qalasy Almaty aýdandyq probasııa qyzmetiniń ınspektory,  ádilet aǵa leıtenanty Dosjan Týrın.

 

 

Sońǵy jańalyqtar

Áskerı tikushaq apatqa ushyrady

Álem • Búgin, 15:21

Túrkistan oblysynda eki brakoner ustaldy

Aımaqtar • Búgin, 13:06

Efıopııada pilder qyrylyp jatyr

Álem • Búgin, 11:58

Qazaqstanda un óndirý kólemi tómendedi

Ekonomıka • Búgin, 11:45

Dastın Pore: Makgregor – ótken shaq

Jekpe-jek • Búgin, 11:40

Gazǵa aýysqan kólikter sany artty

Qazaqstan • Búgin, 10:50

Alvares aýyr salmaqta alypqa aınala ma?

Kásipqoı boks • Búgin, 10:35

Uqsas jańalyqtar