Atılla Rıhter kóptegen týrnırdiń toqtatylǵanyn jáne kenetten kelgen ózgerister ádettegi ómirdiń bir bóligine aınalǵanyn ókinishpen aıtty. Ol ATP-iń batyl sheshiminiń nátıjesinde kúntizbede osy jyly qosymsha 4 týrnır, onyń ishinde Nur-Sultan qalasyndaǵy týrnır qosylǵanyna da toqtaldy.
– Qazaqstan tennıs federasııasyna, eń aldymen federasııa prezıdenti Bolat О́temuratovqa qazirgi jaǵdaıǵa qaramastan, Qazaqstan úshin alǵashqy tarıhı týrnırdi ótkizýge múmkindik jasaǵany úshin úlken alǵysymdy bildiremin. Sizdiń basshylyǵyńyzben, sońǵy onjyldyqta, qazaqstandyq tennıstiń damýynda úlken serpilis oryn aldy. Prezıdent myrza, tennıske degen adaldyǵyńyz ben qoldaýyńyz úshin kóp rahmet. 6 apta boıy uıymdastyrý sharalaryna qatysqan ujymǵa jáne árbir atsalýshyǵa rahmet, sizderdiń eńbekterińiz aqtalyp, jınalǵan qaýym rıza boldy dep senemin. Jarysqa qatysqan barlyq oıynshylarǵa rızamyz. Bul jańa týrnır boldy, aldyn ala boljam jasap, qalaı ótetinin dóp basyp aıtý múmkin emes edi. Barlyǵyńyzdy kelesi jyly Nur-Sultan qalasynda kútemiz», dedi týrnır dırektory Atılla Rıhter.
25 qazan men 1 qarasha aralyǵynda elimizdiń bas shaharynda ótken Astana Open-2020 týrnırine álemdik reıtıngtiń alǵashqy júzdigine engen 30-dan astam ataqty tennısshi baq synady. Atap aıtar bolsaq, fransııalyq Benýa Per (26) men Adrıan Mannarıno (39), osy jarystyń tuńǵysh jeńimpazy – Djon Mıllman (43) qatysty. Sonymen qatar álemdik arenalarda elimizdiń namysyn abyroımen qorǵap júrgen Qazaqstan ulttyq quramasynyń músheleri Mıhaıl Kýkýshkın (88), Aleksandr Býblık (49), Dmıtrıı Popko (171), Tımofeı Skatov (438), Denıs Evseev (373), Andreı Golýbev (89) jáne Aleksandr Nedovesov (333) syndy tennısshiler de atalǵan jarysta baq synady.
О́kinishke qaraı, óz jerimizde ótken jarysta birde-bir sportshymyz úzdikter qatarynan kórine almady. Jarystyń birinshi kúninde bir emes, úsh sportshymyz alǵashqy aınalymnan ary asa almady. Dmıtrıı Popko álemdik reıtıngte 90-orynda turǵan moldovalyq Radý Albottan, Tımofeı Skatov fınlıandııalyq Emıl Rýýsývýorıden (84) jeńilip qaldy. Al týrnırdiń 1/8 fınalynda álemniń 28-shi, osy jarystyń birinshi raketkasy sanalǵan fransııalyq Benýa Perdi 2:1 (7:6, 6:7, 1:6) esebimen jarys jolynan shyǵaryp jibergen jerlesimiz Mıhaıl Kýkýshkın shırek fınalda fınlıandııalyq Emıl Rýýsývýorıge eki sette 6:3, 6:1 nátıjesimen ese jiberdi. Bir jarysta eki birdeı jarys qojaıynyn týrnırden shyǵaryp jibergen Rýýsývýorı jartylaı fınalda fransııalyq Adrıan Mannarınodan (36) aılasyn asyra almady. Sondaı-aq Denıs Evseev pen Andreı Golýbev jarystyń irikteý kezeńinen óte almaǵanyn da aıta ketken jón.
ATP serııasynyń Nur-Sultanda ótken tuńǵysh jarysynyń fınalyna aýstralııalyq Djon Mıllman men fransııalyq Adrıan Mannarıno shyqty. Eki setke sozylǵan básekede aýstralııalyq tennısshiniń mereıi ústem boldy. Eki tennısshi arasyndaǵy kezdesýdiń birinshi seti asa tartysty ótti. Esep 5:5 bolǵanǵa deıin ekeýi de óz múmkindikterin tıimdi paıdalandy. Tek sońǵy eki dop qosý kezinde eptilik tanytqan Mıllman birinshi sette 7:5 esebimen basymdyq tanytty.
Ekinshi sette fransııalyq sportshy basymdyqtyń óz qolyna alatyn shyǵar dep oılaǵanbyz. Biraq Djon Mıllman da óziniń ońaı shaǵylatyn jańǵaq emes ekenin birden ańǵartty. Ekinshi sette qarsylasyna bir ǵana partııany bergen Mıllman kezdesýdi 6:1 nátıjesimen túıindedi. Osylaısha, Djon Mıllman Astana Open týrnırindegi jeńisi úshin ATP reıtınginde 250 upaımen 13 myń dollar enshiledi. Aýstralııalyq tennısshi matchtan soń qarsylasyna, Qazaqstan tennıs federasııasyna alǵysyn bildirip, qysqa merzimde týrnırdi joǵary deńgeıde uıymdastyrǵan ujymǵa jyly lebizin bildirdi.
– Bul – men jeńip alǵan ATR 250 sanatyndaǵy týrnırdiń alǵashqy bas júldesi. Bul jarystyń orny erekshe. О́ıtkeni Nur-Sultanda kareramda úlken tabysqa qol jetkizdim. Adrıanǵa kórsetken tamasha oıyny úshin rahmet aıtamyn. Match ońaı bolǵan joq. Sen myqty qarsylassyń. Senimen kortta sheberlik baıqasý ońaı emes ekenin bildim, – dedi Djon Mıllman.
Aıta keteıik, Qazaqstan Tennıs federasııasy jyl saıyn 50-ge jýyq halyqaralyq týrnır ótkizedi, olardyń qatarynda Prezıdent kýbogy men Devıs kýbogy bar. Bıyl elimizde tuńǵysh ret uıymdastyrylǵan ATR 250 álemdik týry jylyna 40 ret ótetin. Alaıda pandemııaǵa baılanysty osy maýsymda onyń tek 17-si ǵana ótti.
Nur-Sultandaǵy týrnır maýsymdaǵy sońǵy jarys jáne ATR reıtınginde osy jyldyń sońǵy 250 upaıyn alý múmkindigin usyndy. Týrnırdiń júlde qory 275 000 dollardy qurady. Qaýipsizdikti qamtamasyz etý úshin Astana Open kórermensiz ótti. Juptyq synda aýstralııalyq jup Maks Persell men Lıýk Sevılldi jeńgen Belgııa ókilderi Ioran Flıgen men Sander Jılle jeńiske jetti.
