«Mundaı aksııany ótkizýdiń mańyzy zor. Ol týberkýlezdi der kezinde anyqtaý jáne qajetti em taǵaıyndaý boıynsha jumysty qaıta bastaýǵa múmkindik berdi. Alǵashqy 10 kúnniń ishinde qalanyń 1 300-den astam turǵyny flıýorografııalyq tekserýden tegin ótti. Qalada buryn týyndaǵan kúrdeli epıdemıologııalyq jaǵdaıǵa baılanysty týberkýlezdi erte anyqtaý boıynsha jumys birshama álsiredi. «STOP týberkýlez» aılyǵy aıasynda aýrýdy juqtyrýǵa jol bermeý maqsatynda belgili turǵylyqty jeri joq adamdarǵa tekserý júrgizýge múmkindik bar», - deıdi densaýlyq saqtaý basqarmasy basshysynyń orynbasary Álııa Rústemova.
Jyljymaly sıfrly flıýorografııa qondyrǵylary bazarlarda, saýda ortalyqtarynda, qalanyń turǵyn úı alaptarynda da ornatyldy. Tekserý «Artem», «Alem», «Jannýr», «Djafar», «Astyqjan» (Beısekova k-si) saýda úıleriniń; «Evrazııa» saýda úıiniń, ortalyq bazardyń aýmaqtarynda júrgizildi. Promyshlennyı, Prıgorodnyı, О́ndiris, Kóktal eldi mekenderi turǵyndary da tegin tekserýden ótti.
Budan basqa, polısııa departamentiniń qoldaýymen flıýorografııalyq tekserý turaqty turatyn jeri joq adamdarǵa júrgiziledi. Mamandar keńes berý kómegin, sonyń ishinde táýekel tobyndaǵy adamdarǵa qashyqtan kómek kórsetedi.
«Mundaı profılaktıkalyq tekserýler aýrýdyń erte dıagnozyn qoıýǵa yqpal etedi jáne týberkýlezdiń belsendi anyqtalýyn arttyrady. Tekserý aldyn alý máseleleri boıynsha sanıtarlyq – aǵartý jumystarymen qatar júredi», - deıdi elordanyń bas ftızıatry Anna Sepke.
Sonymen qatar aýmaqtyq BMSK medısına qyzmetkerlerimen «Sanat Alemı» ÚEU qatysýymen týberkýlezdiń aldyn alý, erte anyqtaý, alǵashqy belgileri boıynsha jumystar júrgizildi.
Esterińizge sala keteıik, qala ákimdiginiń qoldaýymen uıymdastyrylǵan «STOP týberkýlez!» sharasy elordada 23 qazanda bastaldy.
