– Búginde qalada epıdemıologııalyq ahýal turaqty. Iаǵnı, sońǵy eki táýlikte koronavırýs indeti tirkelmedi. Al 1 tamyzdan 3 qarashaǵa deıin COVID-19 belgilerimen pnevmonııanyń 1006 jaǵdaıy tirkeldi. Qazirgi tańda koronavırýsty anyqtaý maqsatynda 3 kompıýterlik tomografııa apparaty satyp alyndy. Qalalyq ınfeksııalyq aýrýhanalarda ornatylǵan KT-ǵa alǵashqy naýqas aldaǵy juma kúni túsiriledi, dedi B.Joldasbekuly.
Basqarma basshysynyń sózine súıensek, Shymkent qalasy respýblıkalyq reıtıngte jedel járdem qyzmetiniń ýaqytyly kelýi, sátti reanımasııa jáne sanıtarlyq mashınalardyń jabdyqtalýy boıynsha alǵashqy úzdik úshtiktiń qatarynda tur.
Aıta keteıik, Shymkent qalasynda 2020 jyldyń 24 naýryzynan 3 qarashaǵa deıingi aralyqta COVID-19 aýrýynyń 5 240 jaǵdaıy tirkelgen (2662 sımptomatıkalyq, 2578 sımptomsyz). Al 5 152 naýqas emdelip shyqqan.
