Ulybrıtanııada orys tili eń qajetti shet tilderdiń ondyǵyna kirdi. Bul týraly ITAR-TASS habarlady.
Mádenıet salasyndaǵy halyqaralyq baılanystar jónindegi Ulybrıtanııa keńesiniń málimeti boıynsha, qazirgi ýaqytta mamandar eń qajet dep tapqan shet tilderin biletin adamdardyń azdyǵy sezilýde. Keńestiń ókili Djon Ýorn osyǵan baılanysty Ulybrıtanııanyń ekonomıka men mádenıet salasyndaǵy pozısııasy tómendep bara jatqanyna senimdi.
Zertteý júrgizgen mamandar eń qajetti bes tildiń qataryna ıspan, arab, fransýz, qytaı jáne nemis tilderin engizdi. Al olardan keıin, portýgal, ıtalıan, orys, túrik pen japon tilderi eń qajetti dep tanyldy.
«Iýgov» zertteý toby anyqtaǵandaı, Brıtanııa halqynyń 75 paıyzy joǵaryda kórsetilgen tilderdiń birinde de sóılese almaıdy eken. Al 15 paıyzy fransýz, nemis, ıtalıan men ıspan tilderinde óz oılaryn jetkize biletin kórinedi.
Aıdar О́risbaev.
Derekkóz: Itar-tass.com
