"Búgingi kúni Almaty oblysy aýyldyq eldi mekenderdi ortalyqtandyrylǵan aýyz sýmen qamtý boıynsha kóshbasshy sanalady, onyń qamtý kórsetkishi – 98,8%. Al óńir halqynyń 80%-i aýylda turatynyn sizder jaqsy bilesizder", - dedi A. Batalov OKK alańynda ótken brıfıngte sóılegen sózinde.
Sonymen qatar búgingi kúni gaz oblystyń 15 aýdany men qalasyna jetkizilip, gazdandyrýǵa jatatyn 144 eldi mekenge gaz tartyldy.
Taldyqorǵanda IV kezegi aıaqtalýda, Balqash, Qaratal, Kóksý, Kerbulaq jáne Eskeldi aýdandarynda aýylishilik jelilerdiń qurylysy qarqyndy júrgizilip jatyr. Jyl sońyna qaraı oblystyń 1,2 mln turǵyny nemese 57% gazǵa qosylýǵa múmkindik alady.
"Búgingi kúni bes aýdanda gaz jetkizilmegen, ol úshin "Aqsý - Sarqan - Úsharal", "Shelek – Kegen - Narynqol" baǵytyndaǵy gaz qubyrlary qurylysynyń qujattamalary daıyndalýda. Sonyń nátıjesinde taǵy 300 myń adam gazben qamtylatyn bolady", - dedi ol.
