Esterińizge sala keteıik, tamyz aıynyń sońynda elimizde tuńǵysh ret Forsaıt zertteýler ótip, Qazaqstannyń kóshbasshy sarapshylary Bolashaq qazaqstandyqtyń beınesin qalyptastyrý, Inklıýzıvti qoǵam men ınklıýzıvti dúnıetanymdy qalyptastyrý jáne Qazaqstannyń halyqaralyq arenadaǵy orny degen úsh taqyrypta ótkenniń, búginniń jáne erteńniń basty trendterin saralap, atalmysh salalar boıynsha 2035 jylǵa deıingi portretti talqylaǵan bolatyn.
Jalpy, aıta ketý kerek, zertteý jumystary 9 aı boıy Rapid Foresight (jyldam forsaıt) ádistemesi boıynsha bolashaqtaǵy qazaqstandyqtyń beınesin jasaý jáne 2035 jyly álemdik qoǵamdastyqta Qazaqstannyń ornyn anyqtaý maqsatynda osy saladaǵy jergilikti jáne sheteldik sarapshylardy tarta otyryp júrgizildi. Sonyń nátıjesinde usynystardyń barlyǵy túzilip, aldaǵy 15 jyldyqtyń ssenarıi jasaldy.
Osyǵan oraı "Rýhanı jańǵyrý" qazaqstandyq qoǵamdyq damý ınstıtýtynda forsaıttyq zertteý nátıjeleri boıynsha onlaın-konferensııa ótti. Oǵan Memlekettik organdardyń, Jergilikti atqarýshy organdardyń, ǵylymı-sarapshylyq qoǵamdastyqtyń ókilderi jáne Úkimettik emes uıymdardyń kóshbasshylary qatysty.
"Rýhanı jańǵyrý" qazaqstandyq damý qoǵamy ınstıtýtynyń Basqarma Tóraǵasy Danııar Esın atap ótkendeı, "Eýrazııalyq keńistiktegi turaqty damýǵa baǵyttalǵan Uly dala órkenıeti 2035 jylǵy Qazaqstannyń halyqaralyq arenadaǵy beınesi bola alady".
Dıalog alańy aıasynda konferensııaǵa qatysýshylar adamdarǵa jahandyq aýqymda áser etetin birqatar megatrendterdi talqylady. Reseılik sarapshy, "Jańa kásipter atlasy" jobasy jetekshisiniń orynbasary Evgenıı Vınogradovtyń aıtýynsha aldaǵy ýaqytta qoǵamdyq ózgeristerge tez beıimdele alatyn adamdardyń dáýiri júredi.
"О́zgerister jyldamdyǵy, jańa tehnologııalyq sheshimderdiń paıda bolýy, jahandaný kezeńi búginde álemniń jańa kelbetin qalyptastyryp jatyr. Iаǵnı, búgingi jáne erteńgi trendter ózgeristerge jyldam beıimdele alatyn jańa tıptegi adamdarly qalyptastyrady", – dedi Evgenıı Vınogradov.
Sarapshylar bolashaq jas qazaqstandyqtyń birqatar mańyzdy qasıetterin atap ótti. Birinshiden, ol kez kelgen jaǵdaıda ómir súrýdi jáne áreket etýdi biledi, ózin ózgertýge árdaıym daıyn. Ekinshiden, sıfrlyq nomadtyń óz jeke ósý baǵdarlamasy bar. Álemniń kez kelgen trendtterin sińirýge qabiletti jáne jahandyq deńgeıde oılaı alady. Úshinshiden, jańa býyndaǵy qazaqstandyq qyzmettiń barlyq salasynda sandyq júıeni paıdalana alatyn "kıber-"adam". Tórtinshiden, bolashaqta qazaqstandyq pozıtıvti kommýnıkasııa men psıhıkalyq turaqtylyq daǵdylaryna ıe bolýy tıis.
Konferensııaǵa qatysqan Skandınavııalyq akademııalyq mobıldilik ınstıtýtynyń jetekshisi Elına Vanhempıngtiń aıtýynsha búginde halyqtyń áleýmettik jaǵdaıyn jaqsartý úshin sıfrlik júıe men onlaın formattaǵy jumystardy damytý damytý qajet. Al óz kezeginde "BTS Education" JShS basshysy Saıasat Nurbek bolashaqtyń ómirin anyqtaý maqsatynda forsaıt zertteýlerdi turaqty túrde júrgizip otyrǵan durys deıdi.
"Forsaıttyq zertteýlerdi turaqty túrde júrgizý otyrý qajet. О́ıtkeni olar bolashaqty anyqtaýǵa, jaqsy etýge jáne sol maqsatta jańa sheshimder tabýǵa múmkindik beredi", - dedi Saıasat Nurbek.
