Senator mamandarmen áńgime barysynda balalar quqyqtarynyń buzylýy, qıyn jaǵdaıǵa tap bolǵandarǵa materıaldyq jáne quqyqtyq kómek kórsetý sııaqty máselelerdi qozǵady. Balalar úıiniń túlekteri de psıhologııalyq túrde qoldaý men ilgeriletýdi, áleýmettendirý men jumysqa ornalastyrýdy qajet etedi. Jetim jáne ata-anasynyń qamqorlyǵynsyz qalǵan balalardyń bos ýaqyty týraly da esten shyqpaýy kerek.
Senat depýtaty Olga Býlavkına Shyǵys Qazaqstan oblysyndaǵy "Úmit" balalar úıiniń qamqorshylyq keńesiniń quramynda bolyp otyr.
"Úmit" balalar úıiniń óz balalar lageri bar. Men balalarǵa osy lagerde jyl boıy demalýyna, sportpen shuǵyldanýyna, kúzgi-qysqy kezeńde demalýdyń jańa túrlerin ashýǵa kómekteskim keledi. Osyǵan baılanysty men lagerdi jylytýǵa qarajat bólýge kómektesý úshin Shyǵys Qazaqstan oblysy ákiminiń atyna ótinish daıyndap jatyrmyn", - dedi Olga Býlavkına.
Onlaın túrdegi júzdesýge bilim jáne ǵylym mınıstriniń orynbasary Bıbigúl Asylova, adam quqyqtary jónindegi ýákil Elvıra Ázimova, bala quqyqtary jónindegi ýákil Arýjan Saın, sondaı-aq halyqaralyq jáne otandyq ÚEU ókilderi, balalar úıleri men jasóspirimder úıleriniń qamqorshylyq keńesteriniń músheleri qatysty.
