Bıylǵy jyldyń esepti kezeńinde qaladaǵy 48 bilim berý mekemesine profılaktıkalyq baqylaý júrgizilgen. Tekserý nátıjelerine sáıkes oryn alǵan kemshilikterdi joıý maqsatynda mekemelerge uıǵarym berilip, zań buzýshylyqtyń sebepteri anyqtalǵan. Almaty qalasy Bilim sapasyn qamtamasyz etý jónindegi departament basshysy Gúlnar Ermekbaeva sapany baqylaý maqsatynda júrgizilgen monıtorıngtiń nátıjesin jarııa etti. Gúlnar Ermekbaeva atap ótkendeı, "Beınebaqylaý" monıtorınginiń qorytyndysyna sáıkes, 205 orta bilim berý mekemesine beınebaqylaý júıesin ornatý týraly sheshim qabyldandy. Osyǵan baılanysty Almaty qalasynyń Bilim basqarmasy 2021 jyly orta bilim berý uıymdarynda beınebaqylaý júıelerin jańartýdy josparlap otyr. Al osy esepti merzim ishinde departamentke kelip túsken 66 ótinish qaralyp, hat túrinde túsiniktemeler berilgen.
Gúlnar Ermekbaevanyń aıtýynsha, Balalardyń quqyqtaryn qorǵaý máselesi – memlekettik saıasattyń negizgi baǵyttarynyń biri. Departament balalar quqyǵyn qorǵaý, balalardyń qaraýsyz, baqylaýsyz qalmaýyn qamtamasyz etý, áleýmettik jetimdiktiń aldyn alý boıynsha memlekettik organdarmen, úkimettik emes jáne basqa uıymdarmen ózara baılanys jasap keledi. Aǵymdaǵy jyly bilim týraly qujattar boıynsha 2979 memlekettik qyzmet kórsetilip, onyń 89-y elektrondyq úkimet portaly arqyly berilgen. "E-lısenzııalaý" portalyna kelip túsken 107 ótinishtiń 101-ine memlekettik qyzmet kórsetilse, 6-ýyna jaýap qarastyrylýda.
Aldaǵy ýaqytta kámeletke tolmaǵan balalarǵa qatysty aqparattardyń pysyqtalatyndyǵyn jetkizgen departament basshysy "Bala qorǵaý" chatynda, áleýmettik jelilerde azamattardyń balalardyń quqyqtaryn qorǵaý máseleleri jónindegi ótinishteri boıynsha túsiniktemeler beriletindigin atap ótti.
