"Birinshiden, Qoǵamdyq keńestiń quramy 16 músheden turady, onyń 2/3 bóligi memlekettik qyzmetkerler, ıaǵnı Densaýlyq saqtaý mınıstrliginiń qyzmetkerleri emes dep aıtqym keledi. Bul qoǵam qaıratkerleri, ÚEU ókilderi, "Atameken" UKP jáne t.b. Sondyqtan qurmetti áriptester, keńes múshelerin osyndaı jaýapty memlekettik qyzmetke saılanýymen quttyqtaýǵa ruqsat etińizder, qoǵamnyń múddesin kókseńizder", - dedi Marat Shoranov.
Jınalystyń kún tártibindegi birinshi másele - ashyq daýys berý arqyly keńes tóraǵasy men hatshysyn saılaý. Daýystardy jalpy sanaý nátıjeleri boıynsha keńestiń tóraǵasy bolyp belgili qoǵam qaıratkeri, Qazaqstan Respýblıkasy Parlamenti Májilisiniń eks-depýtaty Nadejda Petýhova (11 daýys) saılandy. Nadejda Mıhaılovna Selınograd memlekettik medısına ınstıtýtyn, pedıatr-dáriger mamandyǵy boıynsha bitirgen. Ár jyldary ol dáriger-ınspektor, Selınograd oblystyq densaýlyq saqtaý basqarmasynyń emdeý-profılaktıkalyq sektorynyń meńgerýshisi, "Astana qalasynyń №1 qalalyq balalar aýrýhanasynyń" bas dárigeri qyzmetterin atqardy.
"Maǵan senim bildirgeni úshin Qoǵamdyq keńes múshelerine alǵys aıtqym keledi. Men ýchaskelik dárigerinen bastap, reanımasııa dárigeri, oblystyq densaýlyq saqtaý basqarmasynyń basshysy, Máslıhat jáne Parlamentten alǵan tájirıbemdi qyzmet barysynda barynsha paıdalanýǵa tyrysamyn. Qoǵamda, onyń ishinde azamattyq qoǵam men memlekettik organ arasyndaǵy barlyq problemalar dıalog alańynda sheshilýi kerek. Biz mınıstrlikpen birlese otyryp, halyqtyń medısınalyq kómek kórsetý sapasyna kóńili tolyp, onyń tıimdi ári qaýipsiz bolýyn qamtamasyz etýge tyrasytn bolamyz", - dedi óz áriptesterine Nadejda Petýhova.
Qoǵamdyq keńestiń hatshysy bolyp Densaýlyq saqtaý mınıstrliginiń Strategııalyq damý departamentiniń dırektory Ilıas Bakırov saılandy. Ol Qoǵamdyq keńestiń jańa quramy múshelerin irikteý prosedýrasy men nátıjeleri týraly baıandady.
"Qoǵamdyq keńeske qatysýǵa barlyǵy 74 adam ótinish bildirdi, olardyń barlyǵy jumys tobynda qaraldy. Barlyq úmitkerler laıyqty boldy dep aıtýǵa bolady, biraq qatysýshylardyń keıbiriniń irikteýden ótpeýine naqty sebepter bar. Jumys tobynyń pikiri hattama negizinde toltyryldy, ony Densaýlyq saqtaý mınıstrliginiń saıtynan oqýǵa bolady", - dedi Ilııas Bakırov.
Birinshi jumys otyrysynda Qoǵamdyq keńes músheleri belgilengen qurylymnyń reglamentteri men jumys josparyn talqylady.
