Balyq aýlaýdyń negizgi múmkindikteri kóptegen faktorlarǵa baılanysty shektelgen. Bul balyq aýlaýdaǵy basty kedergi bolyp tabylady. Bıyl óńirde ǵylymı turǵyda qol jetkizýge josparlanǵan 10,2 myń tonna balyq óndirildi. Alaıda, qarqyndy balyq aýlaý kezinde popýlıasııalardyń ózdiginen kóbeıý qabileti buzylady, sondyqtan balyqtardyń turaqty sanyn saqtaý úshin popýlıasııany saqtaý sharalary qajet. Osy maqsatta kásiptik balyq aýlaý júrgiziletin tabıǵı sý aıdyndaryna balyq jiberý júrgiziledi. Bul qaıta óńdeýshilerdi júkteý jáne jaǵalaýdaǵy aýyldardy jumyspen qamtamasyz etý úshin óndiris kólemin turaqtandyrýǵa múmkindik beredi.
Sońǵy jyldar ishinde oblysta balyqtandyrý kólemin arttyrý boıynsha jumystar júrgizildi. Kórsetkish 2016 jylǵy 4 mln dana shabaqtan 2019 jyly 10,3 mln danaǵa deıin 2,5 esege artty.
Bıylǵy jyly balyq jiberý kólemi 17 mln dana jas balyqty qurady. Onyń ishinde tuqy/sazan balyqtary – shamamen 3 mln dana, rıpýs - 2,6 mln dana, pelıad - 11,3 mln dana.
Gıdroenergetıka, keme qatynasy jáne basqa da kásiporyndardyń balyq jiberý kólemi 721 myń dana tuqy/sazan shabaqtaryn, 30 myńǵa jýyq tuqy/sazan dernásilderin qurady.
Qazir qazaq balyq sharýashylyǵy ǵylymı-zertteý ınstıtýty kásipshilik barlyq sýbektilerin, sondaı-aq kásipshilikke zııan keltiretin obektilerdi eki jyldyq otyrǵyzý materıaldaryn balyqtandyrýǵa kóshirýdiń bıologııalyq negizdemesi boıynsha jumys isteýde. Bul sý qoımalarynan alynatyn balyqty kásipshilik qaıtarý ýaqytyn 3 jylǵa deıin qysqartýǵa múmkindik beredi. Kásipshilik qaıtarý kólemi balyq jiberý kóleminiń 50%-yn quraıdy.
Sondaı-aq oblystyq bıýdjet esebinen Buqtyrma sý qoımasyna 10 mln dana pelıad tuqymy jáne Qara Ertis ózenine 4 myń dana Sibir bekiresi jiberildi.
Jalpy, 2015 jyldan 2020 jylǵa deıin balyqtandyrýdyń jalpy kólemi 54,1 mln dana shabaqty qurady. Negizinen balyqtandyrý tuqy, sazan, aq amýr, rıpýs, pelıad sııaqty baǵaly balyq tuqymdarymen júrgiziledi.
