Oral qalasynda «WESTKAZINVEST-2013» atty taqyrypta halyqaralyq bıznes forým jumysyna Reseı, Belarý jáne Qazaqstan memleketteriniń isker top ókilderi men ǵalymdary jáne memlekettik organ jetekshileri qatysty. Osy basqosý aıasynda ınnovasııalyq jobalar kórmesi uıymdastyrylyp, oǵan ár eldegi 80 kásiporyn óz ónimderi men kórsetetin qyzmet túrlerin tanystyrdy.
Oral qalasynda «WESTKAZINVEST-2013» atty taqyrypta halyqaralyq bıznes forým jumysyna Reseı, Belarý jáne Qazaqstan memleketteriniń isker top ókilderi men ǵalymdary jáne memlekettik organ jetekshileri qatysty. Osy basqosý aıasynda ınnovasııalyq jobalar kórmesi uıymdastyrylyp, oǵan ár eldegi 80 kásiporyn óz ónimderi men kórsetetin qyzmet túrlerin tanystyrdy.
Atalǵan aýqymdy is-sharanyń basty maqsaty – ár memlekettegi ınvestısııalyq múmkindikterdi ortaǵa salý, bıznestik qurylymdardyń baılanys aıasyn keńeıtý, osy arqyly ıntegrasııalyq úrdisterdiń jańa múmkindikterin qarastyrý.
Forýmnyń ashylý rásimi kezinde Indýstrııa jáne jańa tehnologııalar mınıstrligi Investısııalar jónindegi komıtetiniń tóraǵasy Erlan Qaıyrov táýelsizdik jyldary elimizge 200 mıllıard teńge sheteldik ınvestısııa tartylǵanyn atap kórsetti. Al Reseıdiń Oral qalasyndaǵy bas konsýly Saıd Zabıtov búgingi tańda reseılik 76 kásipkerlik sýbektisi Qazaqstanda tabysty eńbek etip júrgenin jetkizdi. Onyń sózine qaraǵanda Reseı men Qazaqstannyń shekaralas oblystary ózara saýda-ekonomıkalyq, mádenı-gýmanıtarlyq baǵytta 250 kelisim jasasqan. Eki el arasyndaǵy taýar aınalymynyń qyryq paıyzy shekaralas aımaqtardyń enshisine tıetini búgingi halyqaralyq forýmnyń máni men maqsatyn tereńdete túsedi.
Forýmda Batys Qazaqstan oblysy ákimdigi qurylys, mashına jasaý, agroónerkásip kesheni, týrızm, ınnovasııa salalaryna baılanysty tıisti mekeme-kásiporyndarmen, qoǵamdyq uıymdarmen jalpy quny 170 mıllıon dollar kólemindegi ınvestısııalyq memorandýmdarǵa qol qoıdy.
Temir QUSAIYN,
«Egemen Qazaqstan».
ORAL.
