Saltanatty is-sharaǵa Qazaqstan Elshisi Baýyrjan Muhametjanov, Grýzııa Syrtqy ister mınıstriniń orynbasary Aleksandr Hvtısıashvılı, Kvemo-Kartlı óńiriniń gýbernatory Shota Rehvıashvılı, Rýstavı qalasynyń meri Iraklıı Tabagýa, sondaı-aq jergilikti qoǵamdyq-saıası jáne iskerlik toptardyń ókilderi qatysty.
Rásimdi ashqan B. Muhametjanov Grýzııanyń qyzyqty ekonomıkalyq, mádenı, týrıstik aımaqtarynyń birinde Qazaqstannyń Qurmetti konsýldyǵynyń ashylýy eki eldiń dástúrli dostyq pen ózara senim rýhyndaǵy yntymaqtastyǵynyń damýyn aıǵaqtaıtynyn atap ótti. Táýelsizdik jyldary ishinde eki memleket qarym-qatynastardyń qalyptasý kezeńinen sátti ótip, ýaǵdalastyqtardy naqty mazmunmen jáne ózara is-qımyldyń jańa baǵyttaryn izdestirýmen tolyqtyra otyryp, jańa sapaly deńgeıge shyqty.
Rýstavı qalasyndaǵy Qazaqstannyń Qurmetti konsýly Georgıı Djahýtashvılı óz sózinde jańa keńse eki el arasyndaǵy ekonomıkalyq, mádenı, sporttyq, bilim berý baılanystaryn damytýǵa tolyq kómek kórsetetinine sendirdi. Onyń aıtýynsha, elimizdiń azamattary men zańdy tulǵalary óz quqyqtary men múddelerin qorǵaýda, sondaı-aq qıyn jaǵdaılarǵa túsken kezde, ásirese oryn alyp jatqan COVID-19 pandemııasy men karantındik shekteýler kezinde kómek ala alady.
Qurmetti konsýldyq qazirgi Qazaqstanǵa qyzyǵýshylyq tanytqan grýzın azamattary úshin jańa aqparattyq ortalyqqa aınalýy tıis.
