"Áıeldiń 1998 jyly reseılikke turmysqa shyǵyp, Reseı Federasııasyna kóship ketkeni belgili boldy. Ol 2007 jyly Reseı Federasııasynyń azamattyǵyn qabyldaǵan. Biraq, bul týraly QR Ishki ister organdaryna tıisti 30 kúndik merzimde habarlamaǵan. Qazaqstannyń azamattyǵyn rastaıtyn jeke kýáligin tapsyrmaǵan. Sondaı-aq, onyń 2012-2019 jyldar aralyǵynda Qazaqstan Respýblıkasyna birneshe ret kelip, Reseı Federasııasynyń pasportymen elden shyǵyp ketkeni anyqtaldy. Áıel Qurmanǵazy aýdandyq polısııa bólimine jetkizildi", dep habarlady polısııa departamentiniń baspasóz qyzmeti.
Eki eldiń azamattyǵy bar áıelge qatysty QR Ákimshilik quqyqbuzýshylyq týraly Kodeksiniń 496-babynyń 2-bóligimen (QR zańnamasynda belgilengen merzimde sheteldik azamattyqty alý faktisin habarlamaý) ákimshilik hattama toltyrylyp, 200 aılyq eseptik kórsetkish mólsherinde aıyppul salyndy.
