Reseı Federasııasymen jasalǵan kelisim jáne Qazaqstannyń Qarýly Kúshterin qaıta jaraqtaý baǵdarlamasy boıynsha Áskerı-áýe kúshterine kóp fýnksınaldy Sý-30SM ushqyr ushaqtary keldi.
«Cý-30SM ushaqtary áskerlerdi jáne obektilerdi áýe shabýyly soqqylarynan qorǵaný, áýedegi jáne jerdegi nysanalardy anyqtaý men joıý múmkindikterin aıtarlyqtaı ulǵaıtady. Solardyń arqasynda Qarýly Kúshterdiń áleýeti artady», – dep Áýe qorǵanysy kúshteriniń bas qolbasshysy general-leıtenant Nurlan Ormanbetov atap ótti.
Cý-30SM – bul eki oryndy kópmaqsatty, barlyq aýa-raıynda ushatyn, joǵary manevrli 4++ joıǵysh ushaqtardyń jalǵasy. Onda Áskerı-áýe kúshteri qarý-jaraǵynyń quramyndaǵy Sý-27 jáne Mıg-31 syndy eki túrli áskerı mashınanyń kúshi bar.
Ushaqtardy Irkýtsk avıasııa zaýytynan ákelý 2015 jyldan beri iske asyrylyp keledi. Búgingi kúnge deıin kóptegen avıasııalyq bazalar onymen jaraqtalǵan.
Qaraǵandy avıasııa bazasynyń ushý jáne ınjenerlik-tehnıkalyq quramy Taldyqorǵan menushaqty daıyndaǵan zaýytta tolyq oqýdan ótti. Olar ushaqty basqarýǵa, paıdalanýǵa jáne osy tektes ushaqtarǵa qyzmet kórsetýge tıisti ruqsat aldy.
