Jýyrda ǵana Astana qalasynda bolyp, jármeńkede elordalyq turǵyndarǵa Mańǵystaýdyń aýyl sharýashylyǵy ónimderin usynǵan kásipkerler osy úrdisti Aqtaýda jalǵastyrdy.
Jýyrda ǵana Astana qalasynda bolyp, jármeńkede elordalyq turǵyndarǵa Mańǵystaýdyń aýyl sharýashylyǵy ónimderin usynǵan kásipkerler osy úrdisti Aqtaýda jalǵastyrdy.
Aýyl sharýashylyǵy qyzmetkerleri kúni merekesi qarsańynda uıymdastyrylǵan jármeńkege oblystyń aýdan, qalalarynan 50-den astam kásipker qatysty. Arada eshqandaı deldalsyz, árkimniń ózine qajetti ónimdi óndirýshi qolynan tikeleı satyp alýyna múmkindigi bar, ıaǵnı, eki jaq úshin de paıdaly bolǵandyqtan, ónim baǵasy ádettegiden 10-15 paıyzǵa arzan boldy. Jármeńke sórelerine qoı, sıyr, túıe etteri, jumyrtqa, sút ónimderi, baqsha daqyldary men jemis-jıdekterdiń mol túri toptasty.
Mańǵystaý oblystyq ákimdiginiń qoldaýymen jármeńkeni uıymdastyrǵan «Kaspıı ÁKK» UK» AQ qaladaǵy turmysy tómen, sondaı-aq, jármeńkege kelý múmkindigi joq múgedek jandardyń úılerine azyq-túlikterdi jetkizip berdi. Bul qaıyrymdylyq sharasyna jármeńkege qatysýshy kásipkerlerdiń barlyǵy atsalysyp, mújálsiz otbasylarǵa óz sálemdemelerin joldady.
Jármeńkede atalmysh salanyń damýyna úles qosqan azamattar marapattalyp, oblys ónerpazdary konsert qoıdy. Sonymen qatar, «Eń jas satýshy», «Eń kóp satylym», «Úzdik taýar túrleri» nomınasııalary boıynsha anyqtalǵan júldegerlerge estelik syılyqtar tabystaldy.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy.
