Álem • 09 Qarasha, 2020

Kúzennen mýtasııalanǵan vırýs anyqtaldy

180 ret

kórsetildi

1 mın

oqý úshin

Álemde kúzen terisin ımporttaýshy eń úlken el – Danııada koronavırýstyń mýtasııaǵa ushyraǵan túri anyqtaldy. Indet kúzen fermalarynda taraı bastaǵan. Indet juqtyrǵandardyń taldaýy vırýstyń ózgergenin kórsetip otyr. Bul jaǵdaı Dúnıejúzilik Densaýlyq saqtaý uıymyn da alańdatty. Odan bólek taǵy alty el kúzenderden vırýstyń anyqtalǵanyn málimdegen.

Merýert BÚRKITBAEVA

Kopengagende ornalasqan juqpaly aýrýlardy zertteýmen aınalysatyn Statens Serum ınstıtýty vırýstyń antıdenelerge tótep bere alatynyn anyqtaǵan. Ony mamandar kúzenderden tabylǵan bes jaǵdaıda jáne olardan adamǵa juqqan 12 jaǵdaıda baıqaǵan. Al bul vaksınanyń tıimdiligin joqqa shyǵarýy múmkin eken. Sol sebepti Danııa eldegi barlyq 17 mln kúzendi qyryp tastaý týraly sheshim shyǵarǵan. Zertteý jumystary aıaqtalǵanyna qaramastan, Danııa bıligi turǵyndardyń qaýipsizdigin qaterge qoıa almaımyz dep otyr. Bul jaǵdaı boıynsha Danııa DDU-men birlesip zertteý jumystaryn júrgizip jatyr. Al Ulybrıtanııa bolsa danııalyqtardy elge kirgizbeıtinin habarlady.