Aımaqtar • 09 Qarasha, 2020

Qyzyljardaǵy qalalyq baqta kisi tonaldy

180 ret

kórsetildi

1 mın

oqý úshin

О́tken jeksenbi kúni túngi saǵat ondar shamasynda Qyzyljardyń qalalyq saıabaǵynda 45 jastaǵy azamatty araqty birge ishken bótelkelesi - 30 jastaǵy jigit soqqyǵa jyǵyp, 7 myń teńge aqshasyn tartyp áketken. Araq ishý barysynda jańa tanysqan ekeýiniń arasynda janjal týǵan eken, dep jazady Egemen.kz

Jaqsybaı SAMRAT

Osy qylmysty Petropavldyń polısııalary izin sýytpaı ashyp, tonaýshyny qysqa merzim ishinde qolǵa túsirdi. Ol buryn sottalǵan 1990 jyly týǵan adam bolyp shyqty. Bul iske beınebaqylaý kameralarynyń kómegi tıdi. Tonaýshynyń beınesi onyń birine túsip qalǵan eken.

Atalǵan fakti QK 191-baby "Tonaý" boıynsha tergep-tekserýdiń biryńǵaı tizilimine engizildi. Urlanǵan zat qaıtarylyp, kúdikti ýaqytsha ustaý oqshaýlaǵyshyna qamaldy. Aıta ketetini, kúdikti de, jábirlenýshi de qoǵamdyq orynda masań kúıinde bolǵan, bul áreketteri úshin ekeýi de ákimshilik jaýapkershilikke tartylatyn bolady.

"Tonaýlar kóbine dalada jasalady, onyń jartysy - kóppáterli úılerdiń aýlalarynda bolady. Ádette olar uıaly telefondarǵa, sómkeler men ámııandarǵa jasalady. Jyl basynan oblys ortalyǵy aýmaǵynda 47 tonaý faktisi tirkeldi. Atalǵan qylmys túrin ashý 91% quraıdy", deıdi Petropavl qalasynyń PB bastyǵy, polısııa polkovnıgi Jandos Muqatov.

PETROPAVL