Keshe Astanada Premer-Mınıstr Serik Ahmetovtiń qatysýymen «Ekspert-200-Qazaqstan» iri bıznestiń V ekonomıkalyq forýmy bolyp ótti.
Qazaqstannyń ulttyq ekonomıkasynyń negizgi tendensııalaryn taldap, kókeıkesti máselelerin talqylaý isine bıznes pen Úkimet ókilderin jáne sarapshylar qaýymyn tartýdy maqsat etken atalmysh forým osymen besinshi ret ótkizilip otyr. Onyń bıylǵy basty taqyryby Qazaqstannyń jańa ekonomıkasynyń qalyptasýy jaıynda boldy. Pikir almasý pishiminde uıymdastyrylǵan sharany Ulttyq kásipkerler palatasy tóraǵasynyń orynbasary Jannat Ertilesova men «Ekspert» medıaholdınginiń bas dırektory Valerıı Fadeev júrgizip otyrdy.
Keshe Astanada Premer-Mınıstr Serik Ahmetovtiń qatysýymen «Ekspert-200-Qazaqstan» iri bıznestiń V ekonomıkalyq forýmy bolyp ótti.
Qazaqstannyń ulttyq ekonomıkasynyń negizgi tendensııalaryn taldap, kókeıkesti máselelerin talqylaý isine bıznes pen Úkimet ókilderin jáne sarapshylar qaýymyn tartýdy maqsat etken atalmysh forým osymen besinshi ret ótkizilip otyr. Onyń bıylǵy basty taqyryby Qazaqstannyń jańa ekonomıkasynyń qalyptasýy jaıynda boldy. Pikir almasý pishiminde uıymdastyrylǵan sharany Ulttyq kásipkerler palatasy tóraǵasynyń orynbasary Jannat Ertilesova men «Ekspert» medıaholdınginiń bas dırektory Valerıı Fadeev júrgizip otyrdy.
Sóz tizgini aldymen Premer-Mınıstrdiń orynbasary – Indýstrııa jáne jańa tehnologııalar mınıstri Áset Isekeshevke usynyldy. Ol el ekonomıkasynyń óndiristik áleýetin baıandaı kele, qazirgi eksporttyq ahýalyna toqtaldy. «Erekshe tıimdilikke eksportqa baǵyttalǵan sektordyń ónimderi ıe bolady. Aldyn ala eksporttyq strategııa aıasynda bizdiń ónimderge arnalǵan naryqtardy sanap shyqtyq. 45 naryqty qarastyrdyq. Ol Reseı shekarasy mańyndaǵy 10 óńir, Belarýs, Ýkraına, Batys Qytaı, Ortalyq Azııa jáne bizdiń batys jaǵymyzda ornalasqan elder, olar – Túrkııa, Kavkaz», dedi Á.Isekeshev. Vıse-premer ónerkásipti odan ári údemeli damytý eksportsyz múmkin emestigin jáne bul máselede Keden odaǵy mańyzdy rólge ıe ekendigin aıtyp ótti. «Bul taıaý 10 jylǵa rynoktardyń áleýetin eseptep, osy rynoktarda qandaı ónimder ótimdi ekendigin zerttep, basymdyqtardy tańdadyq. Sondyqtan, kelesi damý aıasynda Keden odaǵynyń áleýeti zor dep esepteımiz», dedi ol. Sonymen qatar, Á.Isekeshev jańa naryqtarǵa, naqty aıtqanda, Aýǵanstanǵa eksporttyń aıtarlyqtaı arta túskendigin atap ótti. «Aýǵanstanǵa baǵyttalǵan qazaqstandyq eksport kólemi bıylǵy jyly 300 mln. dollarǵa jetti. Ol negizinen shıkizattyq emes eksport. Bul – mańyzdy kórsetkish, jeke kásiporyndarymyz osyndaı naryqtarǵa shyǵa bastady», dedi.
Budan ári bıznes ókilderi tarapynan «Ksell» AQ bas qarjy dırektory Baýyrjan Aıazbaev, «Sesnabank» AQ basqarma tóraǵasy Dáýren Jaqsybek, «AIIurGroup» avtomobıl kompanııalar tobynyń prezıdenti Andreı Lavrentev, «Astana Grýpp» JShS prezıdenti Nurlan Smaǵulov, «Azııa Avto Qazaqstan» AQ bas dırektory Erjan Mándıev sııaqty birqatar kásipkerler sóz sóıledi. Forýmǵa qatysýshylar tarapynan suraqtar qoıylyp, pikirler almasyldy.
Pikir almasýdy Premer-Mınıstr S.Ahmetov túıindedi. Úkimet basshysy forýmdy kásipkerlik máselelerin keń aýqymda talqylaýǵa arnalǵan dástúrli alań retinde baǵalap, odan ary makroekonomıkalyq turaqtylyqty nyǵaıtý boıynsha sharalarǵa toqtaldy. «2013 jyly ekonomıkanyń shamamen 6 paıyzǵa ósýi, ınflıasııanyń da 6 paıyz deńgeıi kútilýde», degen S.Ahmetov «bul sharttar bıýdjetti tolyqtyrýǵa, ekonomıka sektorlaryn damytý jónindegi baǵdarlamalardy qarjylandyrýǵa múmkindik beretindigin» atap ótti. Úkimet basshysy Qazaqstanda jańa sala – kóliktik mashına jasaý paıda bolǵanyn, búginde jolaýshy vagondary shyǵarylyp jatqanyn, kelesi jyly teplovozdar jasaý boıynsha zaýyt ta ashylatynyn tilge tıek etti. «Mashına jasaý salasynyń ekonomıkadaǵy úlesi rasynda da ósip keledi jáne bul jaıt bizdi qýantady. Alaıda, mashına jasaý qandaı bolady? Qazaqstanda qandaı tehnologııalar transferti bolady? Kóp nárse osy máselelerge táýeldi», degen Úkimet basshysy otandyq kásiporyndardyń básekelestik qabiletin arttyrýǵa aıryqsha mán berý qajettigin basa aıtty.
«Biz Dúnıejúzilik saýda uıymyna kirý tabaldyryǵynda turmyz. On jylǵa jýyq sozylǵan kelissóz úderisi aıaqtalýǵa jaqyn. Bul Qazaqstan DSU-ǵa kiretin kún de alys emes ekenin bildiredi. Bul bizdiń tutynýshylarymyz joǵary sapaly ónimge qol jetkizedi degen sóz. Osy jaǵdaıda bizdiń kásiporyndar, jańa óndirister, ekonomıkanyń jańa sektorlary qanshalyqty básekege qabiletti bolady? Keden odaǵy, Eýrazııalyq ekonomıkalyq keńistik jáne DSU aıasynda taýardyń artynsha-aq, kórsetiletin qyzmetterdiń kezegi keledi. Otandyq bıznes, osy oraıda, básekelestiktiń kúsheıýine daıyn bolýy kerek. Olaı bolmaǵan jaǵdaıda, sizderdiń taýarlaryńyz ben ónimderińiz shetke ysyrylyp qalady. Sodan soń ózderińiz qıyn jaǵdaıda qalasyzdar nemese Úkimetti kinálaısyzdar», dep eskerte ketti Premer-Mınıstr.
Investısııalyq tartymdylyqty nyǵaıtý mańyzdy baǵyt bolyp qalýda. Soǵan baılanysty «túsinikti ashyq, qoljetimdi oıyn erejeleri bolýy kerek. Munda kelgisi keletin bıznes bul erejelerdi aıqyn kórýi tıis», dedi S.Ahmetov. Premer-Mınıstr Kásipkerlerdiń ulttyq palatasynyń róline toqtalyp, ol bıznespen birdeı tynystap, bıznesti qoldap, onyń múddelerin qorǵaýy tıisti ekendigin atap ótti.
Úkimet basshysy, sondaı-aq, sóz arasynda atalmysh forýmǵa iri bıznes ókilderi qatyspaı otyrǵanyn synǵa alyp ótti. Shynymen mundaı jıyndar Úkimet pen jeke sektorlardyń arasyn baılanystyratyn, pikir almasyp, oı bólisetin, máseleler ashyq aıtylyp, talqylanatyn alań bolýy tıis edi. Biraq uıymdastyrylý deńgeıi solaı boldy ma, álde shaqyrylsa da kelmedi me, áıteýir keshegi forýmda iri bıznes ókilderiniń qatary az boldy. Árıne, munyń bári kelesi forýmdarda eskeriler degen oıdamyz.
Forým jumysy kúnniń ekinshi jartysynda seksııalyq otyrystar boıynsha jalǵasty. Onda «Jańa ekonomıka: qazaqstandyq avtopromnyń bolashaǵy», «Qazaqstannyń jańa ekonomıkasyndaǵy agroónerkásiptik kesheni», «О́ńirlerdegi jańa ekonomıka: iri bıznestiń róli jáne ınvestısııalar tartý» degen taqyryptar talqylandy.
Dınara BITIKOVA,
«Egemen Qazaqstan».
