PARLAMENT «Egemen Qazaqstannyń» arnaýly beti

Kókshe óńiriniń Býrabaıdan keıingi tabıǵatynyń jaratylysy da bir bólek jer sulýy Zerendi bolmaq kerek. Bul kúnderi burynǵy Kókshetaý oblysynyń qysqartylyp ketken eki birdeı aýdanynyń jer aýmaǵyn alyp jatqan Zerendi aýdanynyń ortalyǵy sońǵy jyldary kórkeıip, ósip-órkendep keledi. Jáne bul kúnderi Zerendi aımaǵynda týrızmniń de órkendeı túsýine jol ashylyp, bul salada ıgi ister qolǵa alyna bastady.

Sizdi ne tolǵandyrady?

AÝDAN ORTALYǴY BALABAQShAǴA ZÁRÝ

Kókshe óńiriniń Býrabaıdan keıingi tabıǵatynyń jaratylysy da bir bólek jer sulýy Zerendi bolmaq kerek. Bul kúnderi burynǵy Kókshetaý oblysynyń qysqartylyp ketken eki birdeı aýdanynyń jer aýmaǵyn alyp jatqan Zerendi aýdanynyń ortalyǵy sońǵy jyldary kórkeıip, ósip-órkendep keledi. Jáne bul kúnderi Zerendi aımaǵynda týrızmniń de órkendeı túsýine jol ashylyp, bul salada ıgi ister qolǵa alyna bastady.

Áleýmettik-ekonomıkalyq jaǵ­daıy jaqsaryp kele jatqan já­ne de aýasy taza, ormany qalyń, kó­liniń sýy tunyq ári oblys or­talyǵy Kókshetaýdan nebári elý-aq shaqyrym qashyqtyqta jat­qan kúre joldyń boıyndaǵy aýdan ortalyǵy bolyp sanalatyn Zerendi aýylyna mańaıdaǵy aýyldardyń jáne ekologııasy nashar Qazaqstannyń ózge de óńirlerinen, alys-jaqyn shet elderden qonys aýdarǵan qandastarymyz kóship kelip, ornyǵyp jatyr.

Bul jaı sońǵy jyldary aýdan ortalyǵy Zerendi aýyly halqynyń sanynyń kúrt ósýine yqpal etip otyr.

Osyǵan baılanysty bala­baq­shanyń zárýligi de aıqyn sezile bastady. Qazir mektep jasyna deıingi tárbıe beretin 240 oryndy bar-joǵy eki ǵana balabaqsha, bir shaǵyn ortalyq bar. Al, ózderiniń jas balalaryn balabaqshalaryna bergisi keletin 300 ata-ana óz kezekterin kútip otyr. Zerendi aýylyn bolashaqta damytýdyń jáne mektep jasyna deıingi balalar sanynyń jyl saıyn ósip kele jatqandyǵy eskerilip, aýdan ortalyǵynda 280 oryndy jańa balabaqsha salý maqsatynda jalpy quny 4 mıllıon 280 myń teńgeniń jobalaý-smetalyq qujaty jasalyp, ol memlekettik saraptamadan oń baǵasyn aldy. Osy jobalaý-smetalyq qujat boıynsha aýdan ortalyǵynda salynýǵa tıisti 280 oryndy balabaqshanyń smetalyq quny 560 mıllıon 163 myń 892 teńge bolyp otyr.

Respýblıkalyq bıýdjetten osy qarjy qarastyrylsa, eldi mekenniń bir áleýmettik problemasy jeńildep qalar edi.

Jabal ERǴALIEV,

Senat depýtaty.

Áriptestik áleýeti

PARLAMENTTIK FORÝMǴA QATYSTY

Qazaqstan Respýblıkasy Parlamenti Se­natynyń depýtaty, «Qa­zaqstan Respýb­lı­ka­sy – Reseı Federasııasy» parlamenttik yn­­tymaqtastyq komıtetiniń múshesi Qaı­sar Omarov Máskeý qa­la­synda ótken II ha­lyq­aralyq parlamenttik forýmǵa qatysty.

Shara Reseı Konstıtýsııasy men Reseı Federasııasy Federaldyq Jınalysynyń 20 jyldyǵyna arnaldy. Forým taqyryby «Konstıtýsııa. Demokratııa. Parlamentarızm» dep ataldy.

Seksııalyq otyrystar aıasynda demo­kratııalyq qundylyqtardy ny­ǵaı­týdaǵy, saıasat jáne saılaý júıelerin damytýdaǵy parlamen­tarızm­niń róli, konstıtýsııalyq reformalardaǵy Reseı jáne álemdik tájirıbeler, sondaı-aq, dúnıe júzindegi parlamenttik dıplomatııa máseleleri talqylandy, dep habarlady Senattyń baspasóz qyzmeti.

FOTOKÚNDELIK

Sýretti túsirgen Erlan OMAROV.

_____________

Saılaýshy sózi

OQÝShYLAR QÝANYShYNDA ShEK BOLMADY

Parlament Májilisiniń depýtaty, «Nur Otan» partııasynyń bıýro múshesi Nurtaı Sabılıanovtyń atqaryp kele jatqan isteri maǵan jaqsy tanys. Kanıkýlǵa shyǵysymen el-eldi aralap, halyqtyń muń-muqtajyn qulaǵymen estip, kózimen kóredi.Kórip qana qoımaı, sheshilmeı kele jatqandaryn Úkimetke depýtattyq saýal retinde joldaıdy. Sóıtip, sheshimin tabýyna kómektesedi. Shyǵys óńirinde barmaǵan aýyly joq desem qatelespespin.

Halyq qalaýlysymen ótken qysta bir kezdeskenimde: «Shyǵys Qazaqstanda barmaǵan jerińiz joq. 40 jylǵy tynymsyz jarylystan kóz ashpaǵan Abyraly aımaǵynyń tynys-tirshiligin kórip, bir baryp qaıtpaısyz ba?», dep naz aıtqan edim. «О́zimniń de kópten oıymda júrgen sharýa edi. Bıyl mindetti túrde baramyn», degen bolatyn ol.

Bıylǵy tamyljyǵan tamyz aıynyń ortasynda birinshi ret Semeı polıgonynyń janyndaǵy burynǵy Abyraly aýdanynda, Qaınar aýylynda bolyp, atom ıadrolyq polıgonynan kóbirek zardap shekken turǵyndarmen kezdesip qaıtty. Halyq N.Sabılıanovpen kezdesýge taıly-tuıaǵy qalmaı keldi. Depýtat sózinen keıin suraqtar da qarsha jaýdy. О́ıtkeni, onyń aıtsa oryndaıtyndyǵyn jaqsy biletindikten de jurtshylyq saýaly kóp boldy.

Kezdesý sońynda abyralylyqtardyń eń bir kókeıkesti máselesi – jolǵa baılanysty suraqty Úkimettiń aldyna qoıatyndyǵyna, ony ózi qadaǵalap otyratyndyǵyna ýáde berdi. Sondaı-aq, ustazdardyń suraýy boıynsha áke-sheshesi qaıtys bolǵan bir balany Astanada grantpen oqytatyndyǵyn aıtty. Abyraly óńiri boıynsha 15 oqýshyny kún sanap kórkeıip, abyroıy asqaqtap kele jatqan ásem elordamen tanystyrý maqsatynda Astanaǵa aldyratyndyǵyn qosa málimdedi.

Jaqynda sol ýádesin oryndap, áleýmettik jaǵynan az qorǵalǵan otbasylardyń 15 balasyn Astanaǵa shaqyryp, 3 kún boıy qalany aralatyp, Parlament úıimen tanystyryp, aýyldan shyqpaǵan balalarǵa esten ketpes kóńildi demalys syılady.

Qasıetti Abyraly óńiri halqynyń ystyq sálemin elimizdiń bas gazeti arqyly jetkizgim keldi.

Beıbitbek ÁBDIKÁRIMOV,

jýrnalıst.

ASTANA.

Talqylaý taǵylymy

ZAŃDARǴA О́ZGERISTER – ZAMAN TALABY

Májilistiń Halyqaralyq ister, qorǵanys jáne qaýipsizdik komıteti «Qazaqstan Respýblıkasynyń keıbir zańnamalyq aktilerine Qazaqstan Respýblıkasynyń halyqaralyq sharttar máseleleri boıynsha ózgerister men tolyqtyrýlar engizý týraly» zań jobasyn talqylaǵan dóńgelek ústel ótkizdi.

Zań jobasy Parlament Máji­li­si­niń depýtattary, Halyq­ara­lyq ister, qorǵanys jáne qaýipsizdik komıtetiniń músheleri M.Áshimbaev, Z.Balıeva, Q.Sul­ta­novtyń bastamasymen ázirlengen.

Halyqaralyq ister, qorǵanys jáne qaýipsizdik komıtetiniń tóraǵasy Máýlen Áshimbaev dóńgelek ústelge qatysýshylarǵa depýtattardyń usynystary halyqaralyq sharttardy josparlaý men jasaý úderisin bir júıege keltirýge, olardyń sapasyn arttyrýǵa, osy salada ulttyq múddelerdi qamtamasyz etýge, elimizdiń syrtqy saıası qyzmetinde memlekettik tildiń rólin nyǵaıtýǵa baǵyttalǵanyn atap ótti.

Sonymen birge, qujat jaıynda joba avtorlary Qýanysh Sultanov pen Zaǵıpa Balıeva jáne Ádilet mınıstriniń orynbasary Elmıra Azımova baıandap berdi.

Otyrys barysynda qaralyp otyrǵan máselelerdiń ártúrli qyrlary talqylandy. Májilis de­pýtattary ázirleýshilerdiń ha­lyqaralyq sharttar jasaýdy jos­parlaý úderisin uıymdastyrýǵa qatysty usynystarynyń búgingi tańda ózekti másele bolyp otyr­ǵa­nyn atap kórsetti. Sondaı-aq­, otyrysqa qatysýshylar halyq­aralyq sharttardyń memlekettik tildegi mátinderiniń daıyndalý sapasyna erekshe nazar aýdardy.

Halyqaralyq ister, qorǵanys jáne qaýipsizdik komıtetiniń hatshysy Vıktor Rogalev dóńgelek ústel jumysyn qorytyndylaı kele, qaralyp otyrǵan másele­ler jan-jaqty ári naqty tal­qy­lanǵanyn jáne talqylaý barysynda aıtylǵan barlyq syndarly eskertýler men usynystar zań jobasymen odan ári jumys isteý kezinde eskeriletinin atap ótti.

Dóńgelek ústel jumysyna Parla­ment Májilisiniń depýtattary, mem­le­kettik organdardyń ókilderi qatysty.

«Egemen-aqparat».