Búgingi tańda onlaın mektepte Qazaqstannyń túkpir-túkpirinen túrli deńgeıdegi múgedektigi bar 37 adam bilim alýda. Kásiptik oqytý baǵyttary kezdeısoq tańdalmady - dál osy mamandyqtar búgingi tańda eńbek naryǵynda suranysqa ıe jáne jumys berýshiler laıyqty jalaqy usynady.
Qazaqstanda 600 myńnan astam múmkindigi shekteýli jandar bar. Olardyń óte az bóligi ǵana jumys isteıdi. "IteachMe" biliktilikti damytý ortalyǵy" qorynyń múgedektigi bar adamdar arasynda júrgizgen zertteý nátıjeleri suralǵandardyń shamamen 50%-y, al bul 345 múgedektigi bar adam sıfrlyq tehnologııalar salasynda jetkilikti bilimi joq ekenin kórsetti, bul óz kezeginde bilim alýǵa teris áser etedi jáne jumysqa ornalasý múmkindigin tómendetedi.
"Lider Z" onlaın mektebinde oqý úshin úsh satyly irikteýden ótý qajet – ótinim berý, testterden, áńgimelesýden ótý jáne pıtchıng. Nátıjesinde eń yntaly jáne maqsatty degen qyz-jigitter mektepke ótkiziledi. Jasy mańyzdy emes: kýrstarda 18 jastan 45 jasqa deıingi múgedektigi bar adamdar oqıdy.
Oqýdy aıaqtaǵannan keıin túlekter Qazaqstannyń jetekshi kompanııalaryna baryp, taǵylymdamadan ótip, ózderi úshin sapaly portfolıo quryp, jumysqa ornalasý múmkindigine ıe bolady.
Jobany uıymdastyrýshylar oqytýmen qatar jumys berýshilermen baılanys ornatýda. Olardyń pikirinshe, mundaı tásil múgedek qyzmetkerlerdiń máselelerin túsinetin jáne múgedek qyzmetkerler úshin "dostyq" jumys oryndaryn qurýǵa yqpal etetin adal jumys berýshilerdiń pýlyn qalyptastyrýǵa kómektesedi.
"Biz múgedektigi bar árbir adamnyń bilim alý qajettilikterin eskere otyryp, olardyń bilim alýy úshin jaǵdaı jasaımyz. Bul bilim berý úderisindegi múmkindikterdi teńestirýge jáne bilim alýshylardyń tolyq qamtylýyn qamtamasyz etýge múmkindik beredi. Sapaly bilim men laıyqty jumyspen qamtý arasynda tikeleı baılanys bar dep esepteımiz", - deıdi joba jetekshisi Zahıra Begalıeva.
Búgingi tańda bizdiń qatysýshylardy 25-ten astam ulttyq jáne jergilikti IT-kompanııalarmen, sonyń ishinde "Zerde" ulttyq ınfokommýnıkasııa holdıngi AQ-men, Astana hub IT-startaptardyń Halyqaralyq tehnoparkimen taǵylymdamalar uıymdastyrý jáne jumysqa ornalastyrýǵa qatysty yntymaqtastyq týraly memorandýmdarǵa qol qoıyldy.
"Múgedektigi bar qyzmetkerlerdi jumys berýshiler men qoǵam basqalarmen teń dárejede qaraýy tıis. "Jasyryn" kemsitýshilik bolmaýy kerek, múgedek adamdarǵa qatysty stıgmatızasııany basý kerek. Bul úshin osy baǵytta aqparattyq-aǵartýshylyq jumysty odan ári júrgizý mańyzdy. Mundaı jobalar múgedektigi bar adamdardyń kópshiligin bolashaqtyń mamandyqtary dep atalatyn zııatkerlik kásipterge tartýǵa yqpal etedi, sondaı-aq olardyń básekege qabilettiligin arttyrady", - dep atap ótti "Samruk-Kazyna Trust" Qorynyń resmı ókili Mıras Irgebaev.
15 qarashada jospar boıynsha oqytýdyń ekinshi legi bastalady, onda qazaq tildi stýdentter oqıtyn bolady. Oqytý onlaın rejımde ótedi.
