Ýkraına astanasynda eýroıntegrasııany qoldaýshylar búgin de mınıstrler kabıneti ǵımaratynyń aldyna jınalyp, Nıkolaı Azarov úkimetiniń otstavkaǵa ketýin talap etti. Bul týraly ITAR-TASS habarlady.
«Batkıvshına», ÝDAR jáne «Svoboda» oppozısııalyq partııalarynyń, sondaı-aq ulttyq jáne Eýro odaqtyń týlaryn ustaǵan 300-ge jýyq adam mınıstrler kabınetiniń aldyna jınalyp, úkimettiń otstavkaǵa ketýin talap etti.
«Berkýt» arnaıy jasaǵy mınıstrlik avtokólikteriniń ǵımarattan shyǵýy úshin joldy bógep alǵan sherýshilerdi yǵystyra bastady. Dál osy kezde sherýshiler men arnaıy jasaq qyzmetkerleri arasynda qaqtyǵys oryn aldy. Kúshtik qurylymdar jasaýratatyn gazdy qoldanyp, aqyry sherýshilerdi joldan yǵystyryp shyǵardy.
Premer-mınıstr eýroıntegrasııany qoldaýǵa baǵyttalǵan aksııalardan qoryqpaıtynyn, tipti, bul aksııalardyń uıymdastyrylýy men qarjylandyrylýyn tekseretinin alǵa tartty.
Aıdar О́risbaev.
Derekkóz: Itar-tass.com
