"Bıyl "Rýhanı jańǵyrý" baǵdarlamasy aıasynda 1421 shara ótkizildi. Pandemııaǵa baılanysty birqatar is-sharalar onlaın formatta boldy. Aımaqta "Tulǵa" jobasy júzege asyrylýda. Joba sheńberinde óz salasy boıynsha jetistikke jetken azamattardy halyq arasynda tanymal etý, eńbek jolyn jastar arasynda nasıhattaýdy kózdeıdi. Búginde 24 tulǵanyń beınerolıgi túsirildi. Sondaı-aq "Dástúr men ǵuryp" jáne "Únem – qoǵam qýaty" atty jańa arnaıy jobalar boıynsha oblystyq is-sharalar jospary ázirlendi. Jospar aıasynda 21 shara ótkizildi", - dedi Ýálıhan Serikuly.
Buǵan qosa, respýblıkalyq "Jomart júrek" baıqaýynyń oblystyq kezeńi uıymdastyryldy. Oǵan aýdandar men qaladan iriktelip alynǵan azamattar 4 nomınasııa boıynsha qatysyp, úzdikter marapattaldy.
