Polısııaǵa onyń joǵalyp ketkeni týraly ápkesi habarlaǵan. Ol 28 qazanda belgisiz baǵytqa shyǵyp ketken. Sóıtip tártip saqshylary barlyq syrtqy qyzmetterge baǵdar retinde joldaǵan. Ony izdestirýge eriktiler de aralasqan. Polıseılermen birge olar orman alqaptaryn sholyp, qaraýsyz qalǵan qurylystardy, qudyqtardy tekserýge qatysty.
Jyl basynan beri eriktiler osyndaı 70-ten asa izdeý sharalaryna atsalysqan. Olardyń tikeleı kómegimen áleýmettik jeliler arqyly habar taratylyp, 11 adam aman tabyldy.
V.Larıonovty da eriktiler áleýmettik jelilerdiń tanymal pablıkterine salyp, erekshe belgilerin kórsetken.
"Áleýmettik jeliler búgin – halyqty aqparattandyrýdyń eń tıimdi tásilderiniń biri. Qoldanýshylar beıjaı qalmaıdy, keıde kórsetilgen belgilerge uqsas adamdy kórdik dep jazyp jatady", deıdi SQO PD Krımınaldyq polısııa basqarmasynyń bastyǵy polısııa polkovnıgi Pıotr Klımov.
Oblysta aǵymdaǵy jyldyń 10 aıynda ǵana 40 adamǵa izdeý jarııalanyp, onyń 35-i tabyldy.
