Jenevadaǵy kelisimderden keıin Eýropa Odaǵy Iranǵa qarsy sanksııanyń tártibin jeńildetýge daıyndyq sharalaryn bastady. Bul týraly ITAR-TASS habarlady.
«Sanksııa tártibin jeńildetý jobasy eksperttik deńgeıde Eýroodaqqa múshe 28 el ókilderimen qaralyp, Eýropa Odaǵy Keńesimen bekitiledi. Bul sharalardyń uzaqtyǵy 6 aıǵa sozylady. Odan soń kelisimdegi Iranǵa bólingen mindetterdiń oryndalýy qaıta baǵalanatyn bolady», – dep málimdedi Eýroodaqtyń syrtqy saıası qyzmetindegi aqparat kózi ITAR-TASS tilshisine. Ol sondaı-aq Eýroodaqqa Irannyń munaı, altyn men baǵaly metalldarynyń tasymaldanýyna, reseılik munaı-hımııa, avto jáne avıasııa ónerkásibi salasyndaǵy kompanııalarmen qarym-qatynas júrgizýine tıym salatyn tártipti qaıta qaraý kerek ekenin alǵa tartty. Buǵan qosa, Irannyń banktik shottardaǵy aktıvteriniń bir bóligin ashý kózdelip otyr.
Fransııa syrtqy ister mınıstri Loran Fabıýstyń aıtýy boıynsha, Eýropa Odaǵy jeltoqsan aıynda sanksııanyń kúshin joıýdy bastaıdy.
Aıdar О́risbaev.
Derekkóz: Itar-tass.com
