"Lıshennık" degen sózdiń ózi júrgizý quqyǵynan aırylǵan (lıshennyı prav) degen sózdiń halyq arasyndaǵy oryssha qysqarǵan ataýy.
"Bul kúnderi júrgizýshilik tártipti nyǵaıtý jáne kólik júrgizý quqyǵynan aıyrylǵan júrgizýshilerdiń kólik júrgizý faktilerine jol bermeý jónindegi jumys kúsheıtildi. 5 kún ishinde oblysta júrgizý quqyǵynan aıyrylǵan adamdardyń kólik júrgizýiniń 46 faktisi anyqtaldy", dep atap ótti SQO PD Jergilikti polısııa qyzmeti basqarmasynyń bastyǵy, polısııa podpolkovnıgi Aıdyn Baımatov.
Ustalǵan júrgizýshilerdiń kópshiligi mas kúıinde kólik júrgizgeni úshin júrgizýshi kýáliginen aıyrylǵandar. Sońǵy ýaqytqa deıin mundaı quqyq buzýshylyq jasaǵany úshin júrgizýshige úsh jyl boıy kólik júrgizýge tyıym salynatyn edi. Bıyl zańnama qatańdatylyp, endi ishimdik iship kólik júrgizgen adam 7 jyl boıy kólik quralyn júrgizý quqynan aırylady.
Alaıda osy sharanyń ózi júrgizýshilerdi tártipke shaqyra bermeıtinin faktiler kórsetip otyr. Sondyqtan júrgizý quqynan aırylǵan adamnyń kóligin dereý satqyzý jáne onyń basqa kólik alýyna tıym salý týraly zańǵa qosymsha engizilse durys bolar edi. Sonda ǵana júrgizý quqynan aırylǵandar jaıaý júrýge májbúr bolar, áıtpese, aýlasynda temir tulpary ańyrap turǵanda qaltadaǵy kýálikke kim qarap jatyr...
Soltústik Qazaqstan oblysy
