Dárigerler ýlanǵan qyzǵa «esýas» degen dıagnoz qoıǵan

Astanada dárigerler ýlanyp, aýrýhanaǵa túsken qyzǵa «aqylynan adasqan» degen dıagnoz qoıǵan. Sonyń saldarynan agrotehnıkalyq ýnıversıtettiń 3-kýrs stýdenti Janar Nurǵazınova qaıtys bolyp ketken.

Astanada dárigerler ýlanyp, aýrýhanaǵa túsken qyzǵa «aqylynan adasqan» degen dıagnoz qoıǵan. Sonyń saldarynan agrotehnıkalyq ýnıversıtettiń 3-kýrs stýdenti Janar Nurǵazınova qaıtys bolyp ketken.

Aýrýhanaǵa ýlaný sebebimen kelgen 20 jasar boıjetken osy­laısha ózin birinshi qaraǵan dári­gerlerdiń qateliginen psıhıa­trııalyq dıspanserge aýysty­rylǵan. Osy jerde múldem basqa em alǵan onyń jaǵdaıy kúrt nasharlap, aqyry jantásilim etken.

Shyntýaıtynda, 29 qyrkúıek kúni astan ushynǵan Janar eki kún nár tatpaı jatady. Jaǵdaıy tipti nasharlap bara jatqan soń, qalalyq juqpaly aýrýlar aýrýhanasyna barady. Bul kezde boıynan ál ketip, ábden qaljyrap qalǵan qyzǵa qalaı bolsa solaı qaraǵan aq halattylar ony durystap teksermegen. Sonyń saldarynan odan ýlaný belgisin kóre almaǵan. Aqyrynda eskýlaptar onsyz da áreń sóılep otyrǵan Janardyń birde-bir sózine qulaq aspaı, onyń qurbysymen sózge kelip qalǵanyn alǵa tartyp, «aqylynan adasqan» degen úkim shyǵara salǵan. Mundaı da bolady eken!

Tap osyndaı salqyn qabyl­daýdy J.Nurǵazınova keıin psı­hıatrııalyq dıspanserden de kórdi. Ondaǵy medıkter qyzdyń halin «qalypty» dep baǵalap, sol kúıi qaraýsyz qaldyrǵan. Osylaı ishi irip ketken naýqas aqyry túsiniksiz jaǵdaıda kóz jumady. Sońynan saraptama onyń astan ýlanyp, ınfeksııanyń aǵzaǵa jaıylyp ketýinen mı bóliginiń isingenin anyqtady.

Qazir Astana qalalyq prokýratýrasy atalmysh faktige baılanysty qylmystyq is qozǵady. Bul derek boıynsha qyzǵa durys qaramaǵan dárigerlerdiń ústinen tergeý júrgizile bastaldy.

«Syrqat ýaqtyly tekserilip, dıagnostıka júrgizilmegen. Sa­rap­tama shyqpaı turyp, quqyq qor­ǵaý organdary qylmystyq is qo­z­ǵaýdan bas tartqan. Alaı­da, saraptama nátıjesi dári­ger­lerdiń salǵyrttyǵyn kór­set­ti. Sondyqtan, Astana qalalyq prokýratýrasy atalmysh jaıt­qa qatysty qylmystyq is qoz­ǵa­dy», deıdi Astana qalasy proký­ratý­ra­synyń basqarma basshysy Danııar Ertekov.

Aıta keteıik, agrotehnıkalyq ýnıversıtettiń 3-kýrs stýdenti Janar Nurǵazınova bıylǵy 2 qazan kúni juqpaly aýrýlar aýrýhanasyna óz aıaǵymen barǵan. Al bir kúnnen keıin onyń múrdesi psıhıatrııalyq dıspanserden shyqqan.

Murat AITQOJA.