Elorda • 11 Qarasha, 2020

Elordada temir jol aýrýhanasyn jetildirý máselesi talqylandy

31 ret kórsetildi

Jeke ınvestısııalardy tartý esebinen ortalyq temir jol aýrýhanasyn odan ári jetildirý máselesi kún tártibene alyndy. Bul týraly Nur-Sultan qalasynyń ákimi Altaı Kólginov óziniń Instagram paraqshasynda jazdy, dep habarlaıdy Egemen.kz 

"Ortalyq temir jol aýrýhanasyn jetildirý máselesi boıynsha ınvestorlarmen kezdesý ótti. "Ruzgar Tedavi Hizmetleri Company" kompanııasynyń ókilderi memlekettik-jekemenshik seriktestik aıasynda aýrýhananyń jańa korpýstaryn salýǵa da múddeli. Investorlar osy medısınalyq mekemege baryp, stasıonardyń qabyldaý, dıagnostıkalyq jáne jalpy hırýrgııa bólimderiniń jáne t.b. jumysymen tanysty. Bul kompanııanyń densaýlyq saqtaý nysandaryn salýda aıtarlyqtaı tájirıbesi bar.

Elordany odan ári damytý jónindegi keńeste Memleket basshysy ortalyq temir jol aýrýhanasynyń apatty jaǵdaıyn aıta ketti. Ǵımaratty kúrdeli jóndeý 60 jyl boıy júrgizilgen joq. Aýrýhana jumysyn qoldaý úshin eki korpýsta ǵımaratqa aǵymdaǵy jóndeý júrgizildi. Jeke ınvestısııalardy tartý esebinen aýrýhanany odan ári jetildirý máselesi jumysqa alyndy.

Sonymen birge osy aýrýhananyń ornalasqan jeri men aýdanda halyq tyǵyz ornalasqanyn eskere otyryp, Saryarqa aýdanynda memlekettik-jekemenshik seriktestik aıasynda 800 oryndyq kópsalaly aýrýhana salynady. Medısınalyq mekeme álemdik standarttarǵa sáıkes zamanaýı jabdyqtarmen jabdyqtalady", dep jazdy Altaı Kólginov.

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar