Statıstıka komıtetiniń málimetinshe, 2020 jylǵy III toqsanda respýblıka ekonomıkasynda 8,7 mln adam jumyspen qamtylǵan. Jumyspen qamtylǵan halyqtyń arasynda 6,7 mln adam jaldamaly qyzmet boıynsha jumyspen qamtylǵan. Jumyssyzdar sany 454,8 myń adamdy, jumyssyzdyq deńgeıi – 5% qurady.
2020 jyldyń III toqsanynda Qazaqstannyń eńbek naryǵyna COVID-19 pandemııasy áseri saqtalýda. 2020 jyldyń ekinshi toqsanymen salystyrǵanda qyzmettiń toqtatylýyna baılanysty ýaqytsha jumyssyzdar sany 52% tómendedi, biraq joǵary bola otyryp, 131,7 myń adamdy qurady. Onyń 25%-saýda qyzmetkerleri, 21,4%-bilim, 10,3%-basqa qyzmetter kórsetý (shashtarazdar, sulýlyq salondary, usaq turmystyq qyzmetter).
Bul rette, 2020 jyldyń II toqsanymen salystyrǵanda negizgi jumys ornynda jumys kóleminiń tómendeýine (tolyq emes jumys kúni) nemese jumys berýshiniń bastamasy boıynsha jumyspen qamtylǵandar sany 37% ósip, 380 myń adamdy qurady. Bul negizinen personaldy qysqartylǵan jumys kestesine aýystyrýmen baılanysty.
Jumyspen qamtý organdarynda 2020 jylǵy qazan aıynyń sońyna 222,4 myń adam jumyssyz retinde resmı tirkelgen. Tirkelgen jumyssyzdar úlesi jumys kúshiniń sanynyń 2,4%-yn qurady.
