«QR Tuńǵysh Prezıdenti-Elbasy Nursultan Ábishuly Nazarbaevtyń tóraǵalyǵymen onlaı̆n rejımde QHA Keńesiniń otyrysy ótti. Assambleıa Tóraǵasy «tatýlyq, kelisim men birlik memlekettik saıasattyń negizgi baǵyty bolyp qala beredi. Assambleıa barlyq etnostardy ortaq qazaqstandyq qundylyqtarymyzdyń aı̆nalasyna toptastyrýǵa baǵyttalǵan jumysty júrgizýge tıis» dep atap ótti.
Elbasynyń tapsyrmasyna sáı̆kes 22 etnomádenı birlestiktiń basyn qosqan elordalyq Assambleıany damytý baǵdarlamasyn qabyldadyq.
47 shyǵarmashylyq ujym jumys istep keledi. Sonyń beseýi ótken jyly «halyqtyq» mártebesin aldy.
Álemde bolyp jatqan oqıǵalar men pandemııaǵa qaramastan, Assambleıa músheleriniń belsendi jumysy men qoldaýy oń áser berýde. QHA músheleri qaı̆yrymdylyqqa belsendi qatysady. Memleket basshysy bastamashylyq etken "Biz birgemiz!" aksııasy aıasynda 50 mln teńgeden astam somaǵa kómek kórsetildi.
Dostyq Úı̆inde QHA eriktiler qozǵalysy ortalyǵy jumys isteı̆di. Olar qala turǵyndaryna turaqty túrde kómek kórsetedi. Qarttarǵa sharýashylyq boı̆ynsha, azyq-túlik, al pandemııa men karantın kezinde qorǵanys quraldary men maskalardy tasymaldady. Qoǵamdyq oryndarda maskalar taratyp, turǵyndarǵa sanıtarııa normalaryn saqtaýdyń qajettiligi men mańyzy týraly túsindirdi. Gýmanıtarlyq júk tasymaldaýda elimizdiń óńirlerine kómek kórsetedi. (Arys, Qordaı̆, Maqtaaral aýdany jáne t.b.).
Sonymen qatar, elordalyq Dostyq úı̆i etnomádenı birlestikterdi damytý úshin kópfýnksıonaldy resýrstyq ortalyqqa aı̆naldy. Bazada "Jyr ortalyǵy", "Parasat" qaı̆yrymdylyq qyzmetin úı̆lestirý ortalyqtary, "Analar amanaty" qolóner shyǵarmashylyǵy ortalyqtary, jastarǵa arnalǵan kovorkıng-ortalyq jáne t. b. jumys isteı̆di.
Sondaı̆-aq, memlekettik tildi, mádenıetti, dástúrdi úı̆renýge jaǵdaı̆ jasaýǵa erekshe kóńil bólinedi. Búginde QHA janynda 12 etnolıngvıstıkalyq mektep jumys isteı̆di, onda 600-den astam oqýshy oqıdy. Ortaq qundylyqtarymyzdy ilgeriletý jónindegi belsendi jumysy arqyly Assambleıa músheleri kún saı̆yn halyqtyń birligin kórsetip keledi.
Qazaqstan Respýblıkasynyń Tuńǵysh Prezıdenti – Elbasy atap ótkendeı̆, "Halyq birliginiń negizi – bizdiń biregeı̆ ulttyq kodymyz", dep jazdy Altaı Kólginov.
