6 qarashada Shanhaıda ótken kórmede qazaqstandyq pavılonnyń saltanatty ashylýynda QR Caýda jáne ıntegrasııa mınıstri Baqyt Sultanov, Qazaqstannyń Qytaıdaǵy Tótenshe jáne О́kiletti Elshisi Ǵabıt Qoıshybaev, syrtqy saýda uıymdarynyń ókilderi jáne PwC halyqaralyq konsaltıngtik kompanııasynyń seriktesteri quttyqtaý sóz sóıledi. Ashylý saltanatyna 30-dan astam sheteldik resmı delegasııa qatysty.
Bıylǵy jyly Covid-19 pandemııasyna baılanysty kórmede tek dám tatýǵa múmkindigi joq ónimderdiń úlgileri usynyldy. Alaıda, bul kompanııa ókilderine bizconf, VooV jáne WeChat platformalaryn paıdalana otyryp, áleýetti seriktestermen onlaın-formatta naqty kelissózder júrgizýge kedergi jasaǵan joq.
Qazaqstandyq pavılonǵa qytaılyq kompanııalardyń 1000-nan astam ókili keldi. Kelýshilerdiń arasynda iri dıstrıbıýtorlar men tamaq ónimderin ımporttaýshylar, sýpermarketter men meıramhanalardyń iri jelileriniń ókilderi boldy. Áleýetti satyp alýshylar qazaqstandyq ónimniń tolyq sıpattamasy bar katalogtardy aldy.
Bıyl Qazaqstannyń Qytaıdaǵy kórmege qatysýy QR SIM – "QazTrade Accelerator" eksporttyq akselerasııa baǵdarlamasy aıasynda ótti. Kórmede azyq-túlik kompanııalary, Baǵdarlama qatysýshylary óz ónimderin usyndy. Qytaılyq seriktester Qazaqstan ónimderimen mynadaı sanattarda tanysýǵa múmkindik aldy: 1) un tartý ónerkásibi, krahmaldar men krahmal ónimderi, 2) et, balyq (muzdatylǵan, konservilengen), 3) sýsyndar, 4) sút ónimderi, 5) kondıterlik ónimder jáne bal, 6) ósimdik maılary, 7) tuzdyqtar men tuz.
Qazaqstandyq kompanııalardyń aǵymdaǵy jyly qatysýy sapalyq jaǵynan basqa kórmelerge qaraǵanda muqııat daıyndyq úderisterimen jáne qajetti marketıngtik jumystardy júrgizýmen erekshelenedi. Osylaısha, WeChat jáne Weibo platformalarynda "QazTrade Accelerator" baǵdarlamasynyń resmı arnalarynda marketıngtik kompanııa aldyn ala iske qosyldy, bul áleýetti qytaılyq seriktesterdi tartýǵa múmkindik berdi. Maqsatty telemarketıng jáne Qytaı ónerkásiptik jýrnaldary men bıznes qaýymdastyqtaryndaǵy jarnamalar taýarlardyń alǵa jyljýyna yqpal etti.
Nátıjesinde, kórmege qatysýshy árbir qazaqstandyq kompanııa orta eseppen qytaılyq áleýetti seriktesterdiń 10-nan 30 B2B-ǵa deıingi baılanysyna ıe boldy.
Qytaılyq kompanııalar men tutynýshylardyń qyzyǵýshylyǵy dástúrli túrde et jáne ósimdik eti sııaqty otandyq organıkalyq ónimderge baǵyttalǵan. Otandyq ónimniń joǵary sapasynyń arqasynda kórme aıasynda kompanııalar arasynda negizdemelik memorandýmdar jasaýǵa múmkindik týdy:
- "Qostanaı un tartý kompanııasy" JShS jáne Jiu San Group quramynda GTT joq kúnbaǵys maıyn satyp alý boıynsha;
- Shandong Ju he Yi "Rybprom" JShS-men jańa muzdatylǵan balyqty ótkizý boıynsha yntymaqtastyq týraly Memorandýmǵa qol qoıý nıetin málimdedi;
- CPU Supply Chain Management Co. Ltd. shartqa qol qoıýǵa jáne óndirýshi "Meat processing and service" JShS-ten ettiń synama partııasyn satyp alýǵa daıyn. Sonymen qatar, Qytaı tarapy Qytaı aýmaǵynda et satý boıynsha birlesken kásiporyn nemese kompanııa ókildigin qurýdy usyndy;
- Kunlunke business management Co Ltd., sondaı-aq "Meat processing and service" JShS kompanııasynyń sıyr etin alǵashqy satyp alýdy júzege asyrýǵa jáne qytaılyq tutynýshyny qazaqstandyq óndirýshiniń tabıǵı ónimimen tanystyrýǵa daıyn. Qazaqstandyq ettiń artyqshylyǵy – onyń quramynda eshqandaı hımııalyq qospalar joq jáne ekologııalyq taza ónim bolyp tabylady.
Bul kórmeniń aldyn ala nátıjeleri ǵana. PwC sarapshylarynyń belsendi qoldaýymen barlyq alynǵan bıznes-baılanystarmen odan ári kelissózder júrgiziletin bolady.
Budan basqa, otandyq taýarlardy qytaılyq saýda jelileri men marketpleısterge shyǵarý úshin kezeń-kezeńmen jumys júrgizilýde.
