Bertinge deıin Qostanaı oblysynda 12 sanıtarlyq beket ornatylǵanyn habarlaǵan edik. Qazir onyń sany 20-ǵa deıin artyp otyr.
"Búgin saǵat 00:00-den bastap oblysta qosymsha 8 beket qoıyldy. Olardyń 5-eýi Arqalyq qalasyn jáne Qarasý, Sarykól, Qamysty jáne Uzynkól aýdandarynda bolsa, 3-eýi – Rýdnyı qalasynda. Beketterdegi jumysty qajetti qorǵanys quraldarymen jabdyqtalǵan polıseıler men medısına qyzmetkerleri júzege asyrady. Bekettegi qyzmetti táýligine 12 saǵattan aýysymmen atqarady. Beketterdi qoıýdaǵy negizgi mindet – koronavırýstyq ınfeksııanyń taralýyna jol bermeý úshin halyqpen aldyn-alý jumystaryn júrgizý. Medısına qyzmetkerleri dene temperatýrasyn ólsheı otyryp, júrgizýshiler men jolaýshylardy vızýaldy profılaktıkalyq tekserýden ótkizedi", deıdi PD bastyǵy Qurmet Májikenov.
Polısııa qyzmetkerleri sanıtarlyq beket arqyly ótetin kólikti tekserip, esepke alady, sondaı-aq oblystyń bas memlekettik sanıtarlyq dárigeriniń qaýlysynda kórsetilgen shekteý sharalarynyń saqtalýyn jiti qadaǵalaıdy.
