Otyz jeti jastaǵy azamat osydan 8 kún buryn jeke ıeligindegi avtokóligimen «Qyzylorda sý toraby» kópirinen ótpek bolady. Memlekettik kúzetýge alynǵan strategııalyq nysan sanalatyn kópirden ótýge jáne júrýge tyıym salynǵan jol belgisin kózge ilmegen jáne ony eskertken polısııa qyzmetkerlerine baǵynbaǵan. Kúzetilgen nysanǵa qasaqana zańsyz kirip, temir tosqaýyldy ashyp, ótip ketken. Sóıtip, Qazaqstan Respýblıkasy ákimshilik kodeksiniń 506 jáne QR ÁQBtK-niń 601-babymen kózdelgen zań talaptaryn buzǵan.
Memlekettik kúzetýge alynǵan strategııalyq aımaq kópiri arqyly kólik quralyna júrýge tyıym salynǵandyǵyn eskertip, kólikti toqtatýyn suraǵan polısııa qyzmetkerlerine baǵynbaı, olardy qaǵyp ótip oqıǵa ornynan boı tasalaǵan turǵyn kóp keshikpeı ustaldy.
Qazir ol Qyzylorda QPB-nyń ýaqytsha ustaý abaqtysynda jatyr. Oǵan qatysty Qazaqstan Respýblıkasy Qylmystyq kodeksiniń 380-baby 1-bóligimen (Bılik ókiline qatysty kúsh qoldaný) sotqa deıingi tergep-tekserý amaldary júrgizilýde.
