Rýhanııat • 13 Qarasha, 2020

Almatyda koronavırýspen kúreske arnalǵan fotokórme ashyldy

74 ret kórsetildi

Almatyda 12 qarasha kúni qalanyń О́ńirlik kommýnıkasııalar qyzmeti​ uıymdastastyrǵan, turǵyndardyń jumystary qoıylǵan fotokórme ashyldy. Munyń aldynda qala turǵyndary men qonaqtary COVID-19-ben kúresti nasıhattaý jónindegi áleýmettik jobaǵa qatysýǵa shaqyrylǵan edi, dep habarlaıdy Egemen.kz.

Fotokórmede almatylyqtardan arnaıy kommısııa tańdap alǵan 10 fotojumys pen grafıkalyq sýret qoıylǵan. Arnaıy kommısııa quramyna Almaty qalasynyń​ Mádenıet basqarmasynyń konserttik bóliminiń basshysy Aınur Bajenova, Eýrazııa Mádenı Alıansy dırektorynyń orynbasary Olga Veselova, jeke, aýdıovızýaldy jáne foto qujattardy jınaqtaý bóliminiń muraǵatshysy ​ Alım Haıdarov kirdi.

Árbir jumysta COVID-19-ben kúres kórinis tapqan: medısına qyzmetkerleriniń, epıdemıologtardyń, polısııanyń, eriktilerdiń jumys kadrlary men almatylyqtardyń pandemııamen kúrestegi óz kózqarastary beıneleý túrinde berilgen.

Jobanyń basty maqsaty – koronavırýstyń bolýy yqtımal jańa tolqyny qarsańynda sanıtarııa normalaryn, ásirese maska taǵý rejımin ustanýdyń mańyzdylyǵyn, pandemııamen kúreste aldyńǵy shepte tabylatyn jandardyń (medısına qyzmetkerleri, epıdemıologtar, polısııa, eriktiler t.b.) jumysynyń qundylyǵyn turǵyndardyń esine salý.

1

"Osy fotokórmeni birinshi tolqynnyń qalaı ótkeni aıasynda uıymdastyra otyryp, biz qala turǵyndaryn aldyn alý sharalaryn kúsheıtýge shaqyrǵymyz keldi. Betperde taǵyp, áleýmettik qashyqtyqty saqtaý arqyly árbir adam qalanyń COVID-19-ben jalpy kúresine úlken úles qosady. Jalpyǵa ortaq sharalardyń arqasynda dárigerler men medısına qyzmetkerlerine júktelgen kúsh azaıyp, juqtyrý sany azaıýy múmkin", - dep atap ótti О́ńirlik kommýnıkasııalar qyzmetinde.

Bul jobaǵa qatysýǵa​ yqylas bildirgen kez kelgen adamnyń múmkindigi boldy, ol úshin onyń qalanyń koronavırýspen kúresin óz kózqarasy turǵysynan bergen​ 5 fotosýret nemese basqa da grafıkalyq sýretti (karıkatýra, ıllıýstrasııa) jiberýi kerek bolatyn. Eń basty shart erekshe kontent qoldaný bolatyn.

1

"Fototilshi retinde men koronavırýspen baılanysty jaǵdaıdy alǵashqy kúnderden bastap túsire bastadym. Qyzyq boldy, keıde tipti qorqynyshty boldy. Bos qala, blokbeketter, asyǵyp bara jatqan jedel járdem kólikteriniń sırenasy jáne t.b. Alaıda jumys oqıǵa ornynda bolýymdy qajet etti, onsyz halyqtyń negizgi bóligine olardyń óz qalalarynda ne bolyp jatqanyn kórsetý múmkin bolmas edi. Ondaı jýrnalıster kóp, bári kez kelgen sátte reportajǵa barýǵa daıyn boldy, jáne osy fotokórme der kezinde qolǵa alynǵan", - dedi fotokórmege qatysýshy, jumystardyń avtory Oleg Spıvak.

О́z kezeginde fotokórmeniń basqa qatysýshysy Talǵat Galımov óziniń jumystary arqyly qala turǵyndaryn jaýapty bolyp, qaýipsizdik sharalaryn saqtaýǵa shaqyrǵysy kelgenin atap ótti.

1

"Men adamdarǵa pandemııa men karantın kezinde ózimizdi qalaı ustaýymyz kerektigin kórsetkim keldi. Eń bastysy - osyndaı qıyn kezde adamdar bir-birine qurmet kórsetýdi umytpaı, birine-biri qamqor bolýlary kerek. Adamdardyń osy dertke qatysty dúnıetanymdary keńeıip, kóbirek jaýapkershilik tanytyp, qaýipsizdik sharalaryn ustansa: qashyqtyqty saqtap, betperde kıip júrse degim keledi. Sebebi bizden basqa muny eshkim jasamaıdy. Eger osyny ustanbasaq, bárimiz aýyryp qalamyz", - dedi Talǵat Galımov.

Almaty ákimdigi álemdegi epıdemııalyq jaǵdaıdyń ýshyǵa túskenin eskere otyryp, qala turǵyndaryn aldyn alý sharalaryn qatań saqtaýǵa jáne sanıtarlyq-epıdemııalyq sharalardy ustanýǵa shaqyrady.

l

Jyljymaly fotokórme qalanyń ár aýdanynda 12-qarashadan 19-qarashaǵa deıin saǵat​ 10:00-20:00 aralyǵynda ótetin bolady:

13 qarasha - Alataý aýdany, "ALATAÝ" saýda ortalyǵy,​ Rysqulov dańǵyly, 103/3;

14 qarasha - Áýezov aýdany, "GRAND PARK" saýda ortalyǵy,​ Qabdolov kóshesi, 1;

15 qarasha - Túrksib aýdany, "MART" SOO,​ Rıhard Zorge kóshesi, 18/4;

16 qarasha - Jetisý aýdany, "MAXIMA" SOO, Raıymbek dańǵyly, 239g;

17 qarasha - Bostandyq aýdany, "ATAKENT MALL" SOO, Tımırıazev kóshesi, 42 k3;

18 qarasha - Almaly aýdany, "SÝM" saýda úıi,​ Abylaı han dańǵyly, 62/​ Jibek joly dańǵyly, 85;

19 qarasha - Naýryzbaı aýdany, Naýryzbaı aýdanynyń HQKO, Shuǵyla​ shaǵyn aýdany, 347/1.

5

Jumystar sondaı-aq qalanyń Samal 2 shaǵyn aýdany, 111 mekenjaıyndaǵy (Medeý aýdany) "DOSTYK PLAZA" SOO-nyń LED-ekrandarynan da kórsetiletin bolady.

Sońǵy jańalyqtar

Esińde bolar ár kúniń

Qazaqstan • Keshe

Jemqorlyq statıstıkasy

Qazaqstan • Keshe

«Bir belgi úshin...»

Kıno • Keshe

Shynaıylyq

О́ner • Keshe

Balalyq shaqtyń aspany

Qoǵam • Keshe

Uqsas jańalyqtar