Qaraýyltóbe aýyldyq okrýginiń ákimi Seıilbek Taımanov eldimekende kásipkerlik nysandar sany artyp, qosymsha jumys oryndarynyń paıda bolǵanyn aıtyp ótti. Jyl basynan jol jóndeý jumystary da qarqyndy júrgizilgenin baıandap, okrýgtegi quqyq buzýshylyqtyń aldyn alý baǵytyndaǵy jáne karantındik talaptardyń saqtalýyna negizdelgen sharalardyń barysyna toqtaldy. Aıtýynsha jumystar óz deńgeıinde atqarylyp, josparǵa saı júrgizilýde.
Degenmen aýylda memlekettik baǵdarlamalardy kádesine jaratyp, kásip ashýdy qolǵa alǵan turǵyndar qatary áli de kóbeımeı tur. Bul máseleni qozǵaǵan qala ákimi memlekettik baǵdarlamalardy turǵyndarǵa tıisti deńgeıde túsindirip, aýyldyqtardy kásip ashýǵa shaqyrý jumystaryn tııanaqtaýdy aýyl basshysyna tapsyrdy. Eldi-mekendegi tazalyq jumystaryn da synǵa alǵan shahar basshysy, sanaýly kúnde aýyldyń sanıtarııalyq jaıy saralanyp, údeden shyqpasa okrýg ákimine shara kóriletinin de atap ótti.
Qyzylózek aýyldyq okrýgi ákimi Sáken Ábdijappar jyl aıasynda eldimekende atqarylǵan jumystarǵa toqtaldy. Qyzylózekte de kásipkerlik qarqyn alǵan. Jyl basynan beri jańadan 6 kásipkerlik sýbektisi tirkelip, jalpy sany 129-ǵa jetip, ótken jylmen salystyrǵanda 5 %-ǵa ósken. Memlekettik baǵdarlamalardy tıimdi tutynǵan aýyl turǵyndarynyń 45 mln 900 myń teńge bolatyn 11 jobasy qarjylandyrylǵan. Jyl basynda aýyl turǵyndarymen ótkizilgen esepti kezdesýde kóterilgen máseleniń bári sheshimin taýyp, «Jumyspen qamtý jol kartasy» aıasynda bıýdjetten qaralǵan qarajatqa Qaraózek beketi-1 jáne Jambyl kóshelerine ortasha jol jóndeý jumystary júrgizilgen. Baǵdarlama boıynsha, jol jóndeý jumystaryna aýyldyń 25 jumyssyz azamaty jumyspen qamtyldy. Aýylda aýyz sý máseleesi de tolyq sheshilgen. Alaıda aýyl kórsetkishin artqa tartyp turǵan másele eldi meken tazalyǵy men okrýgte tirkelgen qylmystar sany. Jyl basynan beri Qyzylózekte 9 qylmys tirkelgen. Degenmen 100 paıyz ashylyp, aıyptylarǵa ákimshilik hattama toltyrylyp, jazaǵa tartylǵan.
Alaqandaı aýylda qylmys múlde bolmaýy kerek degen qala ákimi qoǵamdyq tártipti kúsheıtip, quqyq buzýshylyqtyń aldyn alýdy, turǵyndardyń qaýipsizdigin qamtamasyz etýdi jaýaptylarǵa júktedi.
Sonymen qatar qalaǵa qarasty barlyq kent, aýyl ákimderine jyl kóleminde qarajattyń basym bóligi qalaǵa emes aýyldarǵa bólinip, ol qarajat turǵyndar tarapynan kóterilgen máselelerdi sheshýge baǵyttalǵanyn, kórsetilgen qoldaýǵa saı jumys atqarý kerektigin qatań eskertti. Sondaı-aq, shahar basshysy berilgen tapsyrmalardyń merziminde jáne nátıjeli oryndalýy tikeleı óz baqylaýynda bolatynyn jetikizdi.
