О́rt soltústik-shyǵystaǵy Pıatra-Nıams qalasyndaǵy memlekettik aýrýhananyń qarqyndy terapııa bólimin jalmaǵan. Naýqastardy qutqarmaq bolǵan kezekshi dárigerdiń denesin kúıik shalyp, aýyr hálde jatyr. Rýmynııa Densaýlyq saqtaý mınıstri Nelý Tetarýdyń jergilikti BAQ-qa bergen málimeti boıynsha, órtke elektr symdarynyń qysqa tuıyqtalýy sebep bolýy múmkin.
Sondaı-aq mınıstr Tetarý koronavırýsqa qarsy em alyp jatqan basqa naýqastardy Iаssy qalasyndaǵy basqa mekemege aýystyratynyn atap ótti. Jergilikti BAQ habarlaýynsha, denesin qatty kúıik shalǵan kezekshi dáriger áskerı ushaqpen el astanasyna jetkizilgen.
"Jaraqat alǵan basqa da medısına qyzmetkerleri bar", dep atap ótti Tetarý.
Sondaı-aq ol senbi kúni keshke aýrýhanada bolǵan jaǵdaıdan keıin Pıatra-Nıamske bara jatqanyn aıtty. Segiz naýqas ekinshi qabattaǵy órt paıda bolǵan bólimshede mert bolǵan, al ekeýi janyndaǵy palatada kóz jumdy. Barlyǵy koronavırýstan em alyp jatqan. Palatadaǵylardyń kóbi ókpeni jasandy jeldetý qurylǵysyna qosylǵan.
Densaýlyq saqtaý mınıstrliginiń málimetinshe, naýqastardy ıntýbasııalaýǵa paıdalanylatyn ottegi túskennen keıin qyzyl jalyn tez tarap ketken degen boljam bar. Pandemııa bastalǵaly Rýmynııada 350 000 koronavırýs juqtyrý oqıǵasy tirkeldi, 8813 adam kóz jumdy.
Juma kúni elde 9 489 adamnyń koronavırýsqa shaldyqqany belgili bop, 174 adam ómirden ótti. 1 149 naýqas qarqyndy terapııa bólimshelerinde em alyp jatyr.
