Turǵyndardyń karantın talaptaryn saqtaýynyń aldyn alý boıynsha reıdtik is-sharalar turaqty túrde júrgizilýde. Osyndaı kezekti shara barysynda Báıdibek aýdanynyń polıseıleri karantındik rejım men sanıtarlyq-epıdemıologııalyq normalardy buzǵan turǵyndardy anyqtady.
Bógen aýyldyq okrýgindegi erkin jaıylymdardyń birinde Báıdibek APB qyzmetkerleri jergilikti turǵynnyń as berý qurmetine uıymdastyrylǵan ulttyq oıyndy ótkizýdi toqtatty.
Tártip saqshylary is-sharaǵa qatysýshylarǵa karantın talaptaryna jol bermeý týraly túsindirý áńgimelerin ótkizdi.
Sondaı-aq shekteý sharalaryn buza otyryp, 100-ge jýyq adamdy jınaǵan kókpar uıymdastyrýshylaryn jaýapqa tartty. Is-sharany uıymdastyrýshylarǵa qatysty QR ÁQBtK-niń 425-baby (Halyqtyń sanıtarııalyq-epıdemıologııalyq salamattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý) boıynsha ákimshilik hattama toltyrdy. Jınalǵan materıaldar tıisti zańdy sheshim qabyldaý úshin quzyretti organdarǵa jiberildi.
Esterińizge sala keteıik, Bas memlekettik sanıtarlyq dárigerdiń qaýlysyna sáıkes Túrkistan oblysynyń aýmaǵynda halyq arasynda koronavırýstyq ınfeksııanyń taralýynyń aldyn alýǵa jáne jolyn kesýge baǵyttalǵan karantındik rejım engizilgen. Oblysta sanıtarlyq-epıdemıologııalyq normalar talaptaryn buzýshylardy anyqtaý boıynsha kúndelikti profılaktıkalyq jáne reıdtik is-sharalar júrgizetin polısııa qyzmetkerlerinen, SES jáne jergilikti atqarýshy organdar ókilderinen turatyn mobıldi toptar quryldy.
О́z kezeginde Túrkistan oblysynyń polıseıleri azamattardy karantın rejımin qatań saqtaýǵa, medısınalyq betperde kııýge, antıseptıkterdi qoldanýǵa jáne áleýmettik qashyqtyqty saqtaýǵa shaqyrady.
Sondaı-aq egde jastaǵy turǵyndar men balalar shuǵyl qajettiliksiz úıden shyqpaýy kerek.
