"Kún tártibinde – qala aldynda turǵan mindetterdi jergilikti atqarýshy organdardyń azamattyq qoǵammen ózara is-qımyly arqyly sheshý. Onlaın-sessııa barysynda ekologııa men sıfrlandyrý, densaýlyq saqtaý, bilim berý, áleýmettik qorǵaý, mádenıet pen sport máseleleri talqylanady", dep jazdy megapolıs ákimi.
Almaty ákimi B.Saǵyntaev jalpyqalalyq iAzamat platformasynyń beta-nusqasynnyń iske qosylǵany týraly aıtty.
"Bastamalardy talqylap, megapolısti damytý boıynsha usynystardy ázirleý úshin tıimdi kommýnıkasııalyq alańdardyń biri retinde iAzamat jalpyqalalyq platformasynyń beta-nusqasy búgin iske qosylady. Almatylyqtar qaladaǵy jobalarǵa daýys berip, ózekti máselelerdi kóterip, odaǵy jańalyqtardy bilip otyrady", dep atap ótti B. Saǵyntaev.
Qala ákiminiń aıtýynsha, jańa ınteraktıvti qural azamattyq qoǵamnyń basqarý jáne sheshim qabyldaý prosesine qatysýyn keńeıtedi.
"Bizdiń árqaısymyz Almatynyń ómirin jaqsartý boıynsha jańa ıdeıalar men usynystardyń bastamashysy bola alamyz", dedi ol.
Eske salsaq, Almaty qalasynyń ákimi B.Saǵyntaev qosymshany ázirleý týraly tapsyrmany aǵymdaǵy jyldyń kókteminde bergen edi. Qosymsha arqyly turǵyndar qala jobalaryna daýys berip, qala bastamalaryn talqylaýǵa qatysyp, megapolıstiń ómirinen habardar bola alady.
Almaty "Azamattyq qoǵamdy damytý: jańa syn-qaterler jáne qoǵam men memleket ıgiligi úshin mindetter" atty Almaty qalasynyń HII Azamattyq forýmynyń jumysyna azamattyq qoǵam ókilderi qatysýda.
Azamattyq forýmnyń plenarlyq bólimine Qazaqstan Respýblıkasynyń Aqparat jáne qoǵamdyq damý mınıstri Aıda Balaeva, Almaty qalasy Qoǵamdyq keńesiniń tóraǵasy Rahman Alshanov, "Almaty qalasynyń Kásipodaqtar ortalyǵy" aýmaqtyq kásipodaqtar birlestiginiń tóraıymy Záýresh О́mirbaeva, ÚEU ókilderi qatysty.
