Júk poıyzy jylqy qaqty

Oqıǵa bylaı bolypty. Osy jyly 11 qarashada saǵat 22.35-te Oral stansasyndaǵy Jelilik polısııa bólimine «Pepel» ra­zezinde júk poıyzynyń mashı­nısi temir jol ústinde jaıylyp júrgen tórt túlikti baıqap, po­ıyzdy shuǵyl tejemek bolady. Soǵan qaramastan, 8 bas jylqy júk poıyzynyń astynda qalypty.

Bul jaıtty «atalǵan fakti bo­ıynsha oqıǵa ornyna Oral stan­­­sasyndaǵy Jelilik polısııa bó­­limin jedel-tergeý toby shyq­ty. Dereý shara qoldanylyp, ná­tıjesinde úı janýarlarynyń ­ıesi anyqtaldy. Ol – Batys Qazaq­stan oblysynyń turǵyny bolyp shyqty. 43 jastaǵy quqyq bu­zý­shy áıelge Ákimshilik quqyq buzýshylyq týraly kodekstiń 559-ba­­bynyń 1-bóligi, ıaǵnı temir jol arqyly at-arba kóligimen ­(shanalarmen) ótý jáne júk ar­tyl­ǵan, minis maldy jáne tabyndy aıdap ótý, temir joldardyń bólingen jolaǵynda mal jaıý qaǵıdala­ryn buzý faktisi boıynsha 5 aılyq esep­tik kórsetkish mólsherinde ákim­­shilik aıyppul salyndy», dep ras­tap otyr Kóliktegi polısııa depar­tamenti Ákimshilik polı­sııa bas­qarmasynyń bastyǵy Jasulan Baıkenov.

Polısııa podpolkovnıginiń aıtýynsha, jyl basynan beri temir ­jol ústinde qaraýsyz júrgen tórt túliktiń kesirinen poıyzdarda shuǵyl tejeýdiń 1628 faktisi tirkelipti. Temir joldardyń bó­lin­gen jolaǵynda mal jaıǵany úshin jalpy 1124 quqyq buzýshy ákim­shilik jaýapkershilikke tarty­lyp otyr. Sondyqtan kólik polısııasy úı janýarlarynyń temir jolǵa shyǵýy poıyzdardyń qoz­ǵalysyna qaýip tóndiretinin taǵy da eskertedi. Shuǵyl tejeý jo­laý­shylardyń densaýlyǵy men ómi­rine, sondaı-aq tasymaldanatyn júkterge zalal keltirýi múmkin. Ja­nýarlarmen soqtyǵysqan kez­de lokomotıv zaqymdanady, jol shyǵynǵa ushyraıdy. Poıyz­dar­dyń qozǵalys kestesi buzylady.