Eskertkishtiń ashylý rásimine Semeı ıadrolyq synaq polıgony aımaǵynda áskerı qyzmetin ótegen aqtóbelik ardagerler, qala turǵyndary, jergilikti bılik ókilderi qatysty.
Aldaǵy ýaqytta bul jer Semeı ıadrolyq synaq polıgonynan zardap shekken aktóbelik ardagerlerdiń bas qosatyn, saltanatty sharalar ótkizetin, ómirden ozǵan ardagerlerdi eske alatyn orynǵa aınalmaqshy.
1949-1991 jyldar aralyǵynda Semeı ıadrolyq polıgonynda 11 myńnan astam aqtóbelik áskerı mindetterin atqarǵan. Oblystyq qorǵanys isteri jónindegi departamentiniń málimeti boıynsha, búginde óńirde Semeı ıadrolyq polıgonyndaǵy ıadrolyq synaqtarǵa qatysqan 1800-den astam adam turady, olardyń 268-i múgedek, 40-y ıadrolyq synaqtarǵa qatysýshylardyń jesirleri.
Qazirgi ýaqytta osy azamattardy áleýmettik qorǵaý jumystary birtindep iske asyryla bastady. Máselen, medısınalyq jabdyqtarmen qamtý, emdik-saýyqtyrý oryndaryna joldamalar, kommýnaldyq shyǵyndardy tóleýjeńildikteri berilip, arnaıy áleýmettik jáne ınvataksı qyzmetteri usynylady.
Jyl saıyn 9 mamyr –Jeńis kúni qarsańynda Semeı ıadrolyq synaq polıgonynda qyzmet etkenderge 100 myń teńge mólsherinde birjolǵy materıaldyq qarjylaı kómek beriledi. Jergilikti atqarýshylyq bılik tarapynan polıgon ardagerlerin múmkindiginshe jumysqa ornalastyrý joldary sheshilip, kásipkerlikpen aınalysýǵa qoldaý kórsetiledi.
