Praımerız qorytyndysy boıynsha konferensııanyń 109 delegaty 15 úmitkerge kóbirek daýys berdi.
Eń kóp daýysty oblystaǵy grek-rım, erkin kúres jáne áıelder kúresi federasııasynyń prezıdenti Rahat Sydykovjınady. Odan keıingi orynda memlekettik qyzmetshi Amanǵalı Berdalın tur. Qalǵan eki oryndy dáriger, «DARU Medical Group» JShS dırektory Ǵalymjan Eleýov pen «Jas Otan» oblystyq jastar qanatynyń jetekshisi Asyljan Búrkitalın ıelendi. Konferensııada oblystyq máslıhat depýtattyǵyna úmitkerlerdiń 50 adamnan turatyn partııalyq tizimi de maquldandy. Bul tizimde áıelderdiń úlesi 9-dan 30 paıyzǵa ulǵaıǵan, 35 jasqa deıingi jastardyń úlesi 20 paıyzǵa ósken. Partııalyq tizim boıynsha usynylǵan depýtattyqqa úmtikerler arasynda shaǵyn jáne orta bıznes ókilderi – 41%, bilim salasynyń ókilderi – 13%, kvazımemlekettik sektordaǵylar – 8%-dy quraıdy. Konferensııada «Nur Otan» partııasynyń kezekten tys ótetin HH sezine delegattar saılandy.
Aıta ketý kerek, praımerızdiń alǵashqy kezeńine 460 úmitker qatyssa, olardyń 36,7% -y áıelder, 28% -y jastar.Praımerızge qatysqandardyń 49,6% – óz-ózderin usynǵan azamattar.
