Jedel medısınalyq kómek kórsetýge arnalǵan zamanaýı qurylǵymen jabdyqtalǵan reanımobılder jergilikti iri óndiris orny sanalatyn "Araltuz" AQ-nyń syıy. Aýdan ákimi Muhtar Orazbaev reanımasııalyq kólikterdiń turǵyndar saýlyǵyn saqtaýda kóp kómegi tıetinin aıtyp ótti.
"Densaýlyq saqtaý salasy aýdanymyz úshin qashanda mańyzdy salalardyń biri bolyp tabylady. Sondyqtan da demeýshilerimiz medısınalyq mekemeler men densaýlyq saqtaý salasynyń qyzmetkerlerin qoldaýǵa basa nazar aýdaryp kele jatqany qýantady. Aldaǵy ýaqytta bilikti dárigerler basy aýyryp, baltyry syzdaǵan aýdan turǵyndaryna jańa kólikter arqyly qajetti ári sapaly medısınalyq kómek kórsetetin bolady dep senemiz", degen aýdan basshysy dárigerler eńbegine sáttilik tiledi.
Aıta ketý kerek, "Araltuz" AQ-nyń negizgi óndiristik nysandary Aral aýdanynda ornalasqan. Bıyl qaıyrymdylyq kómek aıasynda aksıonerlik qoǵam óz qarajatynan 50 mıllıon teńge bólgen.
Buǵan deıin osy aksııa aıasynda atalmysh kompanııa aýdandaǵy juqpaly jáne provızorlyq aýrýhanalardy indetpen kúresýge arnalǵan qural-jabdyqtarmen qamtamasyz etken.
Qyzylorda oblysy
