"Zań jobasyna sáıkes "Kazakh Tourism" ulttyq kompanııasy jańa quzyretke ıe bolǵaly tur. Atap aıtqanda ol bıýdjet qarajatyn týrıstik saladaǵy jeke qurylymdardyń jarǵylyq kapıtalyna ınvestısııalaı alady eken. Kazakh Tourism kompanııasynyń ózi 100 paıyz memleket tarapynan qarjylandyrylatynyn eskersek, bul rette bıýdjet qarajaty Kazakh Tourism arqyly jeke qolǵa taratylatynyn ańǵarýǵa bolady. Osylaısha kompanııa qarjylyq deldal qyzmetin atqarady. Onsyz da bıýdjet qarajatyn tıimsiz paıdalanǵany úshin Kazakh Tourism buǵan deıin de qatań synǵa ilikken bolatyn. Sondyqtan Kazakh Tourism kompanııasyna qosymsha quzyret berýdiń qajeti qansha? Biz bul normany alyp tastaýdy usynamyz", dedi Artýr Platonov.
Bul suraqqa jaýap bergen Aqtoty Raıymqulova "Kazakh Tourism" ulttyq kompanııasy qurylǵan kezde onyń syrtqy ekonomıkalyq ınvestısııalyq jumysty júrgizetini aıqyndalǵanyn aıtty.
"Ideıa mynadaı bolǵan. Ol 50 paıyz qarajatty sala otyryp, ınvestorlar úshin ınvestısııalyq jobalardyń iske qosylýyna muryndyq bolý, ekinshiden memleket qandaı da bir jobaǵa qyzyǵýshylyq tanytatynyn kórsetý. О́zderińiz biletindeı, bul joba operasııalyq qýattylyqqa ótken kezde "Kazakh Tourism" ulttyq kompanııasynyń úlesi aýksıon júıesi boıynsha satylatyn edi. Iаǵnı úles jeke ınvestorlarǵa satylýy múmkin. Biraq kompanııa ınvestısııa tartý mindetin oryndaıdy", dedi ol.
Mınıstr óz sózinde depýtattardyń bul usynysyn Úkimet qoldaǵanyn jetkizdi. Al Májilis tóraǵasy Nurlan Nyǵmatýlın depýtattardyń bul usynysy oryndy ekenin jetkizdi.
