Búginde monopolıster usynatyn qyzmetter qaǵaz túrinde kórsetiledi. Bul óz kezeginde bıýrokratııaǵa, ýaqyt joǵaltýǵa ákep soqtyrady. Iqala qalalyq qyzmet kórsetý ortalyǵy – Nur-Sultan qalasynyń úlgisi boıynsha daıyndalýda.
– Iqala qala turǵyndaryna qyzmetterdi onlaın alýǵa kómektesedi dep josparlap otyrmyz. Joba turǵyn úı-kommýnaldyq sharýashylyq salasynyń qyzmetterin «bir tereze» qaǵıdaty boıynsha biriktiredi. Jeke jáne zańdy tulǵalar úıden shyqpaı-aq qyzmetke ótinim bere alady. Bul bir rettik ótinishpen birneshe qyzmet alýǵa múmkindik beredi. Joba kommýnaldyq qyzmetterdiń ashyqtyǵyn kórsetedi, – deıdi basqarma basshysy.
Atap aıtqanda, joba boıynsha kommýnaldyq qyzmetterdi alý prosedýralaryn jeńildetý, barlyq qyzmetterdi onlaın rejıminde usyný, qujattardy múmkindiginshe qysqa merzimde tapsyrý, ótinimniń mártebesin baqylaý, qujattardy saqtaý syndy oń nátıjeler kózdelýde.
Áset Maratuly 1 kezeńde mekemeler (Ońtústik Jaryq Tranzıt, «QazTransGazAımaq», Sý resýrstary marketıngi, Qýat Jylý Ortalyǵy) usynatyn 70 qyzmetti sıfrlandyrýdy josparlaýda.
